राज्य सरकार के पारंपरिक-ग्रामीण खेल मन ल बढ़ावा देहे एक अऊ पहल
लइका मन के शारीरिक अऊ मानसिक विकास अऊ व्यक्तित्व निर्माण म खेल के महत्वपूर्ण योगदान
रायपुर, मुख्यमंत्री श्री भूपेश बघेल ह कहिन कि राज्य सरकार प्रदेश म ग्रामीण अऊ पारंपरिक खेल मन ल बढ़ावा देहे बर ग्रामीण ओलंपिक के आयोजन के संबंध म विचार करत हे। राज्य सरकार के बिचार हे कि ये आयोजन म लइका ले लेके युवा अऊ सियान सबो आयु वर्ग के मनखे सामिल होवयं, जेखर से गांव-गांव म खेल के प्रति एक अच्छा वातावरण बनय। मुख्यमंत्री श्री भूपेश बघेल आज राजधानी रायपुर के एक निजी होटल म आयोजित ‘खेलगढ़-छत्तीसगढ़ ‘खेलबो, जीतबो, गढ़बो नवा छत्तीसगढ़‘ कार्यक्रम ल सम्बोधित करत रहिन। कार्यक्रम के आयोजन टीव्ही न्यूज चैनल साधना न्यूज कोति ले करे गीस। कार्यक्रम म मुख्यमंत्री ह आयोजक मन कोति ले खिलाड़ी, खेल संघ मन ले जुड़े प्रतिनिधि अऊ खेल पत्रकार मन ल सम्मानित करिन।
