छत्तीसगढ़ म स्कूल शिक्षा के गुणवत्ता ल बढ़ाए बर वर्ल्ड बैंक ह मंजूर करिस 2460 करोड़ रूपिया के राशि

प्रोजेक्ट ले 600 मॉडल स्कूल के विकास अउ संचालन म मिलही सहायता
गुणवत्ता युक्त बुनियादी सुविधा के संग सीनियर सेकेंडरी स्कूल मन म विज्ञान अउ वाणिज्य के शिक्षा ल मिलही बढ़ावा
रायपुर, 27 जून 2023
मुख्यमंत्री श्री भूपेश बघेल के पहल म छतीसगढ़ के स्कूल म बेहतर आधारभूत ढांचा के संग शिक्षा के गुणवत्ता बढ़ाए, सीनियर सेकेंडरी स्तर म विज्ञान अउ वाणिज्य के शिक्षा ल प्रोत्साहन देहे ब वर्ल्ड बैंक ह छत्तीसगढ़ ल लगभग 2460 करोड़ रूपिया राशि मंजूर करिस हे। ए परियोजना ले गरीब अउ कमजोर वर्ग ले आए वाले लगभग 40 लाख छात्र लाभान्वित होही।
गौरतलब हे कि छत्तीसगढ़ म स्कूली शिक्षा ल मजबूत बनाए के संग ही गरीब वर्ग के प्रतिभावान छात्र छात्रा मन ल गुणवत्तापूर्ण शिक्षा उपलब्ध कराए ब स्वामी आत्मानंद इंग्लिश अउ हिंदी माध्यम म उत्कृष्ट स्कूल प्रारंभ करे जाथ हे। एकर छोड़े शिक्षा के क्षेत्र म अनेक नवाचारी उदीम घलो करे जाथ हे। जम्मो स्तर म शिक्षा के पहुंच सुनिश्चित करे, सीनियर सेकेंडरी स्तर म साइंस अउ कॉमर्स के बाढ़त मांग ल धियान म राख के छत्तीसगढ़ एक्सीलरेटेड लर्निंग फॉर नॉलेज इकोनॉमी ऑपरेशन (चाक) परियोजना सुरू करे गईस हे। ए परियोजना के माध्यम ले दूरस्थ क्षेत्र म स्थित स्कूल मन म घलो अध्ययन-अध्यापन के बेहतर सुविधा उपलब्ध कराए जाथ हे।
इ कड़ी म वर्ल्ड बैंक एक मदद ले राज्य के माध्यमिक विद्यालय मन म विज्ञान अउ वाणिज्य शिक्षा ल प्रोत्साहित करे, विज्ञान अउ गणित के शिक्षक के संख्या ल बढ़ोए के संग संग प्रयोगशाला मन म आवश्यक बुनियादी ढांचा ल मजबूत बनाए ब दूरस्थ स्थान मन ले पढ़ई करे ब अवइया छात्र मन ब अवास के व्यवस्था, स्कूल म में छात्र मन के नामांकन दर बढ़ाए अउ गुणवत्तायुक्त शिक्षा ब प्रोजेक्ट तियार करे गय हे।
600 मॉडल स्कूल के विकास अउ संचालन म मिलही मदद
वर्ल्ड बैंक के ए परियोजना ले कक्षा 1 ले 12वीं तक के लगभग 600 मॉडल स्कूल ल विकसित अउ संचालित करे म मदद मिलही अउ माध्यमिक स्तर म विज्ञान अउ वाणिज्य के शिक्षा ल प्रोत्साहन मिलही। स्कूल मन में प्रशिक्षित शिक्षक, मजबूत नेतृत्व अउ प्रबंधन सीखे ब पर्याप्त बुनियादी सुविधा प्रदान करे जाही। परियोजना ले कोविड-19 के बेरा लर्निंग लॉस म कमी आही। परियोजना ले अध्यापक मन के प्रशिक्षण ले शिक्षक मन के कक्षा मे अध्यापन के क्षमता बेहतर होए के संग छात्र मन के विषय-वस्तु ल सीखे के क्षमता बाढ़ही। ए परियोजना ले छत्तीसगढ़ म तेजी ले बाढ़त निर्माण अउ सेवा क्षेत्र म युवा मन ब रोजगार के अवसर घलो बाढ़ही।
Neha Rathore