अपीलार्थी सुनवाई ब अब मोबाइल ले जुड़ सकही
रायपुर, 21 जून 2023
छत्तीसगढ़ राज्य सूचना आयोग ह एक नवा पहल करे हे। अपीलार्थी अब मोबाइल ले घलो द्वितीय अपील के सुनवाई म जुड़ सकही। एकर से घर बईठे चाहे आने कोनो जघा ले अपीलार्थी सीधा द्वितीय अपील के सुनवाई म मोबाईल के सहायता ले वीडियो कॉन्फ्रेंसिंग म उपस्थित रह सकत हे।
छत्तीसगढ़ राज्य सूचना आयोग म बुधवार 21 जून ले ट्रायल बेस म एकर सुरुआत करे गईस हे। राज्य सूचना आयुक्त श्री मनोज त्रिवेदी अउ राज्य सूचना आयुक्त श्री धनवेंद्र जायसवाल के कोर्ट म आज कई ठ प्रकरण के सुनवाई म एकर ट्रायल करे गईस। आरटीआई के तहत द्वितीय अपील के सुनवाई म बिलासपुर ले ठाकुर नवल सिंह अउ कांकेर ले श्री देवाशीष के कई ठ प्रकरण के सुनवाई करे गईस। एमा अपीलार्थी अपन मोबाइल ले सुनवाई म शामिल होइस। अपीलार्थि मन ल घर बईठे सुनवाई के अवसर मिले म ओमन ह राज्य सूचना आयोग ल धन्यवाद दिस हे।
राज्य सूचना आयुक्त श्री त्रिवेदी ह अपीलार्थि मन के कहिस कि ओमन मोबाइल कनेक्शन के माध्यम ले जुडे़ ब बढ़िया नेटवर्क के उपयोग करे, जेकर से ऑडियो अउ वीडियो के क्वालिटी बने मिलय। राज्य सूचना आयुक्त श्री जायसवाल ह अपीलार्थि मन से कहिस कि अब मोबाइल ले द्वितीय अपील के प्रकरण कमके सुनवाई घर बईठे चाहे दूसर कोनो जघा ले मिल सकही। ओ ह बताइस कि अभी तक राज्य सूचना आयुक्त के न्यायालय कक्ष म अथवा संबंधित जिला के कलेक्टोरेट स्थित एनआईसी के वीडियो कॉन्फ्रेंसिंग कक्ष ले अपीलार्थी सुनवाई म शामिल होवत रहिस हे। अब मोबाइल ले घलो शामिल होए के अवसर अउ सुविधा मिल सकही।
छत्तीसगढ़ राज्य सूचना आयोग के सचिव श्री जी आर चुरेन्द्र ह बताइस हे कि मोबाइल कनेक्शन ले अपिलारथी मन ल राज्य सूचना आयोग द्वितीय अपील के सुनवाई म शामिल होए ब वर्तमान म ट्रायल बेस म कार्य सूरू करे गय हे। एमा राज्य सूचना आयुक्त के कोर्ट ले अपीलार्थि मन के रजिस्टर्ड मोबाईल नंबर म एक ठ लिंक भेजे जाही। ओ लिंक के द्वारा अपीलार्थी सूचना के अधिकार अधिनियम 2005 के तहत द्वितीय अपील के प्रकरण म सुनवाई के तारीख म सीधा जुड़ सकही।
