रायपुर, 10 जुलाई 2024। मुख्यमंत्री श्री विष्णु देव साय अऊ उप मुख्यमंत्री श्री विजय शर्मा के पहल म प्रदेश के युवा मन ल घर बइठे रोजगार पंजीयन के सुविधा मिलत हे। संगेच रोजगारपरक सुविधा मन के लाभ घलोक मिलत हे। जानबा हे कि राज्य सरकार छत्तीसगढ़ के युवा मन ल रोजगार बर सहायता प्रदान करे बर छत्तीसगढ़ रोजगार एप्प के शुभारंभ करे हे। एप्प शुभारंभ के महज तीन महिना के भीतर ही ए रोजगार एप्प ल 10 हजार मनखे मन ह डाउनलोड करे हें। उहें 1611 मनखे मन ह घर बइठे पंजीयन घलोक कराए हें। एखर से युवा मन ल रोजगार कार्यालय म जाके लंबा-लंबा लाईन नइ लगाए ल परत हे। उहें समय अऊ पइसा के बचत घलोक होवत हे। ए एप्प ल गूगल प्ले स्टोर अऊ विभागीय वेबसाइट म उपलब्ध कराए गए हे।
छत्तीसगढ़ रोजगार एप्प : युवा मन ल घरे म मिलत हे रोजगारपरक सुविधा के लाभ
