मंत्री श्री भगत ह ली योजना आयोग अऊ संस्कृति विभाग के समीक्षा बैठक
रायपुर, योजना, आर्थिक अऊ सांख्यिकी मंत्री श्री अमरजीत भगत ह योजना आयोग अऊ संस्कृति विभाग के समीक्षा बैठक लीन। बैठक म योजना आयोग के सदस्य सचिव डॉ. जे.एस. विरदी ह छत्तीसगढ़ राज्य म फिल्म प्रोत्साहन नीति अऊ फिल्म सिटी के निर्माण उपर प्रस्तुतीकरण दीन अऊ आन राज्य मन कोति ले फिल्म उद्योग ल प्रोत्साहित करे बर बनाए गए योजना अऊ दिए जात अनुदान ले मंत्री श्री भगत ल अवगत कराइन।
मंत्री श्री अमरजीत भगत ह फिल्म उद्योग के क्षेत्र म छत्तीसगढ़ ल एक ब्रांड के रूप म स्थापित करे बर फिल्म निर्माण ले संबंधित सबो हितधारक मन के संग चर्चा करके एक अवधारणा पत्र लउहे तियार कर प्रस्तुत करे के निर्देश संस्कृति विभाग के अधिकारी मन ल दीन।
