जनदर्शन म पूरा हो गे फरियाद, सियनहिन सुमरिता बाई के बनिस राशन कार्ड

कोरबा, 09 जुलाई 2024। राशन कार्ड नइ होए ले खाद्यान्न बर परेशानी झेलत सियनहिन सुमरिता बाई ह कलेक्टर जनदर्शन म आके आवेदन देहे रहिस। सुमरिता बाई ले आवेदन मिलतेच कलेक्टर श्री अजीत वसंत ह खाद्य अधिकारी ल तुरंत निर्देशित करिस के सुमरिता बाई के पात्रता के जांच करके आवेदन के निराकरण सुनिश्चित करव। कलेक्टर ले मिले निर्देश के बाद खाद्य अधिकारी ह तुरंत जांच करिस। जांच म पाए गीस के आवेदिका सुमेरिका बाई पति आनंद दास ग्राम पंचायत अरदा, विकासखण्ड कटघोरा अंत्योदय राशन कार्ड बर पात्र हे। उमन सुमरिता बाई के नाम म अंत्योदय राशन कार्ड जारी कराके ग्राम पंचायत के सरपंच के माध्यम ले घर म उनला दे देहे गीस। जनदर्शन म आवेदन दे के बाद लउहा अपन समस्या के निराकरण हो जाय म सुमरिता बाई ह खुशी जताए हे अऊ कहे हे कि अब ओ ल आसानी ले रासन मिल जाही। अइसयहे ग्राम जोरहाडबरी विकासखण्ड पाली निवासी श्री प्रवीण कुमार ह अपन माता के नाम म जारी राशन कार्ड म स्वेच्छा ले अपन नाम विलोपित करे जनदर्शन म आवेदन दीस। कलेक्टर के निर्देश के बाद खाद्य अधिकारी ह प्रवीण कुमार के नाम आश्रित सदस्य ले तुरंत विलोपित कर दीस।