रायपुर, 22 अप्रैल 2020। कलेक्टर डॉ. एस भारतीदासन के हुकुम म जरूरमंद मन तक राहत पहुंचाए बर पूरा शहर एकजुट होवत हे। आज परोपकार फाउंडेशन के सदस्य मन ह 25 सौ राहत पैकेट “डोनेशन ऑन व्हील्स” म अन्नदान करिन।
ये अभियान के सियानी करत नोडल अधिकारी डॉ. गौरव कुमार सिंह ह बताइस के आज परोपकार फाउंडेशन अउ पीडब्लूडी ह 300 राहत पैकेट अऊ कैट के प्रदेश अध्यक्ष श्री अमर पारवानी के सियानी म रायपुर कम्प्यूटर एसोसिएशन ह 100 राहत पैकेट, बालाजी फू्रट्स मार्केट लालपुर ह 150 राहत पैकेट, रायपुर प्लेवुड एसोसिएशन ह 200 राहत पैकेट, श्रीराम वेजिटेबल मार्केट डूमरतराई ह 200 राहत पैकेट, डूमरतराई किरण एंड अनाज मार्केट ह 300 राहत पैकेट, रायपुर आयरन एंड स्टील एसोसिएशन ह 500 राहत पैकेट डोनेशन ऑन व्हील्स म दीन। उहें छत्तीसगढ़ दाल मिल एसोसिएशन ह 500 किलोग्राम दाल अउ गुढ़ियारी थोक व्यापारी संघ ह 700 किलोग्राम आटा जिला प्रशासन ल येकर बर नियुक्त सहायक नोडल अधिकारी श्री केदार पटेल के सियानी म स्वयंसेवी संस्था आभास फाउंडेशन के पदाधिकारी मन ह अन्नदान ल झोंकिन। परोपकार फाउंडेशन अब तक 5 हजार राहत पैकेट अन्नदान कर डरे हे।
