जशपुरनगर : सिमोन मिंज के पक्का मकान के सपना होइस पूरा

प्रधानमंत्री आवास योजना के अंतर्गत पक्का आवास बनाए ब मिले रहिस स्वीकृति
अपन पत्नी अउ लईका मन संग खुसी पूर्वक जीवन यापन करत हे
जशपुरनगर, जिला म प्रधानमंत्री आवास योजना ले लोगन मन के अपन पक्का मकान बनाए के सपना सच होवत हे। रोटी कपड़ा अउ मकान एक आदमी के जीवन के बुनियादी आवश्यकता होथे। जेकर पुरती करे ब ओ ह जीवन भर मेहनत करथे। आर्थिक रूप ले कमजोर मनखे मन ब स्वयं के आवास एक सपना ले कम नई होवय। शासन प्रधानमंत्री आवास योजना के तहत् गरीब अउ पिछड़े वर्ग ब अपन स्वयं ले आवास बनवाए के सपना ल सकार करत हे। इ कड़ी म कुनकुरी विकासखण्ड के ग्राम पंचायत लोधमा निवासी 77 बछर के सिमोन मिंज के पक्का आवास बनाए ले सपना पूरा होइस हे। सिमोन के दू कुरिया के पुरूखउती कच्चा झोपड़ी रहिस हे। जेमा अपन पत्नी अउ तीन झन लईका मन के संग म कठिनई के जीवन जीयत रहिस हे। प्रधानमंत्री आवास योजना के अंतर्गत वर्ष 2018-19 म पक्का आवास बनाए ब ओला स्वीकृति प्रदान करे गईस। शासन के अनुदान म मिले राशि अउ कुछ राशि स्वयं के बचत अउ लईका मन के कमई से अतिरिक्त राशि मिला के अपन स्वयं पक्का मकान बना डारिस। अब ओ ह अपन लईका मन के संग पक्का मकान म रइथे।
          सिमोन मिंज ह बताइस कि प्रधानमंत्री आवास योजना के लाभ नई मिलतिस त ओ ह कइच्चा अउ टूटहा फुटहा मकान म रहय रइतिस। अब प्रधानमंत्री आवास योजना ले मदद ले उमन के जम्मो समस्या हल हो गए हे। पक्का मकान ले सपना पूरा होए ले खुसी जाहिर करत हुए सिमोन ज शासन अउ जिला प्रशासन ल धन्यवाद दिस हे।
Sucess story
Neha Rathore