जांजगीर-चांपा: महतारी वंदन योजना ले आत्मबल के संग गढ़ही दुर्गेश्वरी सुनहरा भविष्य

जांजगीर-चांपा, 07 मार्च 2024। जिला के पामगढ़ विकासखंड के ग्राम चेऊडीह म रहइया दुर्गेश्वरी अपन सोनहा भविष्य ल लेके आनंदित होवत हे। वोखर आनन्दित होए के कारण महतारी वंदन योजना हे अऊ वो ओ सुनहरा पल के इंतजार बेसब्री ले करत हे जब योजना के माध्यम ले वोखर खाता म राशि आही। दुर्गेश्वरी खुश होके कहिथे के वो कभू नइ सोचे रहिस के छत्तीसगढ़ सरकार वोखर खाता म हर महिना एक हजार रुपिया देही।
छत्तीसगढ़ सरकार वोखर खाता म 7 मार्च के एक हजार रुपिया अंतरित करे जाही। ए राशि के उपयोग दुर्गेश्वरी अपन लइका मन अउ परिवार के आर्थिक सहायता अउ आन जरूरत मन ल पूरा करे म करही। वो कहिस के वोखर दू छोटे-छोटे लइका हे ए राशि ले वो अपन लइका मन बर बेहतर शिक्षा, स्वास्थ्य अउ उंखर जरूरत के समान ल खरीदके ऊंखर बेहतर भविष्य ल तैयार करही। दुर्गेश्वरी के मानना हे कि महिला मन बर एक हजार के राशि बहुत होथे अऊ एखर से महिला सशक्तिकरण ल बढ़ावा मिलही अऊ एखर बर सरकार ल हम बहुत बहुत धन्यवाद देवत हन। दुर्गेश्वरी पात्रे आज अड़बड खुश नजर आईस जब वो ह महतारी वंदन योजना के चर्चा अपन आस पास के महिला मन के संग करिस।