जांजगीर-चांपा म गोधन न्याय योजना: मवेशी रइही काबू म – फसल होही सुरक्षित, गोबर ले मिलही पइसा

जांजगीर-चांपा, 21 जुलाई 2020। राज्य सरकार ह पशुपालक किसान मन ल प्रोत्साहित करे, मवेसी मन ल काबू करे अउ फसल ल सुरक्षित करे बर हरेली तिहार के अवसर म गोधन न्याय योजना के शुरूवात करे हे। गोधन योजना के संगेच रोका-छेका अभियान ले मवेशी नियंत्रित होके गौठान म रइहीं, जेखर से खुला घुमइया पशु मन ले खेत म लगे किसान मन के फसल सुरक्षित रइही। गोधन न्याय योजना अऊ रोका छेका अभियान ले नगरीय निकाय मन म मवेसी मन ले होवइया समस्या मन के समाधान होही। मवेसी मन के अपशिष्ट ले होवइया बीमारी अउ गंदगी ले निजात मिलही। उहें मवेसी मन के सेती होवइया सड़क दुर्घटना मन म कमी आही। दूग्ध व्यवसाय ले जुड़े पशुपालक मन ल घलोक दूध के अलावा अब गोबर ले आमदनी होही। जेखर से ओ मन अपन पशु मन के बेहतर व्यवस्था कर सकहीं अऊ ऊंखर व्यवसाय म बढ़ोतरी होही।