बलरामपुर। जिला के चांदो रोड म दर्दनाक हादसा होय हे। एक तेज रफ्तार स्कार्पियो खड़े ट्रक ले टकरागे। हादसा म तीन युवक के मौत होगे। जबकि एक के हालत गंभीर हे।
हादसा बीते रात के बताये जावत। जानकारी के अनुसार चांदो रोड म सड़क किनारे खड़े ट्रक ल स्कार्पियो सवार चालक देख नई पाइस अउ ट्रक ले भिड़गे। जोरदार भिड़ंत होय ले स्कार्पियो म सवार तीन युवक के मउत होगे।
बताये जावत कि बीते देर रात के ही चारों ल अस्पताल म भर्ती कराये रहिस,जहां इलाज के बेरा तीनों झन दम तोड़ दिस। वहीं एक के हालत गंभीर बने हे।
हादसा म मरने वाला म बलरामपुर निवासी राहुल रजक (18 वर्ष), ग्राम टांगरमहरी निवासी विष्णु (18 वर्ष), टांगरमहरी निवासी सूरज प्रजापति (18 वर्ष) हे।
