कोरिया, जिला म दिव्यांगजन मन ल सहायक उपकरण प्रदान करके ऊंखर दैनिक जीवन ल सुगम बनाए अऊ ओ मन ल सशक्त बनाए बर सहायक मदद अऊ उपकरण प्रदान करके लाभान्वित करे जात हे। कलेक्टर श्री धावड़े के निर्देश म दिव्यांगजन मन ल योजनान्तर्गत सहायक उपकरण, श्रवण यंत्र, ट्रायसायकल, व्हीलचेयर जइसे मदद करके ऊंखर जीवन ल सरल बनाए के प्रयास प्रशासन कोति ले करे जात हे।
ई मेगा कैम्प म आये विकासखण्ड बैकुंठपुर के ग्राम बुडार के धनेश्वर प्रसाद ल समाज कल्याण विभाग कोति ले सहायक उपकरण वितरण योजना के अन्तर्गत ट्रायसायकल प्रदान करे गीस। धनेश्वर के पिता केश्वर प्रसाद ह बताइस कि ट्रायसायकल बर समाज कल्याण विभाग म आवेदन करे रहेन। मेगा कैम्प म विभाग ह हमर मदद करत ट्रायसायकल उपलब्ध कराईस। ट्रायसायकल मिले ले अब धनेश्वर ल आए जाय बर कोनो उपर निर्भर नइ रहना परय। प्रशासन कोति ले ट्रायसायकल मिले ले हमर बहुत मदद हो गए हे अऊ धनेश्वर ल घलोक दैनिक क्रिया मन म सुविधा मिले हे।
अइसनहे ग्राम सांवारांवा के सत्यम अऊ पटना के शमीना ल व्हीलचेयर उपलब्ध कराए गीस। एखर संगेच 6 हितग्राही मन ल श्रवणयंत्र प्रदान करके मदद करे गीस। ई मेगा कैम्प म संघरे मनखे मन ल विधिक सेवा के जानकारी अउ शासकीय योजना मन के अंतर्गत हितग्राहीमूलक सामान अउ आर्थिक सहायता राशि के वितरण घलो करे गीस।
ट्रायसायकल मिले म दिव्यांग धनेश्वर प्रसाद अऊ वोखर परिवार ह दीस जिला प्रशासन ल धन्यवाद
