रायपुर, गांधीवादी चिंतक, स्वतंत्रता संग्राम सेनानी, छत्तीसगढ़ राज्य निर्माण के पुरोधा डॉ. खूबचंद बघेल के जयंती म 19 जुलाई के दिन मंझनिया एक बजे स्थानीय महंत घासीदास स्मारक संग्रहालय परिसर स्थित सभागार म डॉ. बघेल के व्यक्तित्व अऊ कृतित्व के संबंध म संगोष्ठी के अयोजन करे गए हे। समारोह के मुख्य अतिथि मुख्यमंत्री श्री भूपेश बघेल होहीं। संस्कृति मंत्री श्री अमरजीत भगत कार्यक्रम के अध्यक्षता करहीं अऊ नगर निगम रायपुर के महापौर श्री प्रमोद दुबे विशिष्ठ अतिथि होहीं।
संचालक, संस्कृति अऊ पुरातत्व विभाग ले मिले जानकारी के मुमाबिक डॉ. खूबचंद बघेल के व्यक्तित्व अऊ कृतित्व के संबंध म ये संगोष्ठि आयोजन करे जात हे। येमा डॉ. के.एल. वर्मा, कुलपति रविशंकर विश्वविद्यालय, श्री रमेश नैयर, श्री ललित सुरजन, श्री परदेशीराम वर्मा, वरिष्ठ साहित्यकार मन अपन विचार व्यक्त करहीं। समारोह म डॉ. खूबचंद बघेल के अप्रकाशित दुर्लभ पाण्डुलिपि मन के एक संकलन ‘कथा कंथली‘ के विमोचन अऊ ऊंखर कोति ले रचित नाटक ‘करम छड़हा‘ के अंश के मंचन करे जाही। ये बेरा म डॉ. बघेल के जीवनी अऊ लेखनी के संबंध म एक फोटोचित्र प्रदर्शनी के घलोक आयोजन करे जाही।
