दंतेवाड़ा: मुख्यमंत्री के सार्थक पहल के सेती आम जनता मन ल मिलत हे राहत, धनवंतरी जेनरिक मेडिकल स्टोर ले दवई के कम होइस लागत

(सफलता की कहानी)
बदलता दंतेवाड़ाः नई तस्वीर 
दंतेवाड़ा, 23 जून 2023।
जिला म जिला चिकित्सालय म 20 अक्टूबर के मुख्यमंत्री श्री भूपेश बघेल कती ले वीडियो कॉन्फ्रेंसिंग के माध्यम ले दंतेवाड़ा समेत विभिन्न जिला म श्री धनवंतरी मेडिकल स्टोर्स के शुभारंभ करे गय रहीस हे। ए मेडिकल स्टोर्स ले जम्मो वर्ग के लोगन मन ल कम दर म दवइ ल उपलब्ध कराए जाथ हे। जेकर से ओमन ल लाभ मिलत हे। पहिली निम्न वर्गीय लोगन मन आर्थिक स्थिति बने नई होए के सेती दवई लेहे म असमर्थ रहिस हे। लेकिन अब धनवंतरी मेडिकल स्टोर्स ले आने मेडिकल स्टोर्स के मुकाबला कम कीमत म दवइ उपलब्ध कराए जाथ हे। श्री धन्वन्तरी मेडिकल स्टोर ले अभी तक लगभग 22 हजार 891 लोगन मन ह लाभान्वित हो गए हे। उपभोक्ता मन ल दवाइ म न्यूनतम 50 प्रतिशत छूट ले लाभ मिलत हे। जिला अस्पताल म संचालित ए जेनेरिक मेडिकल स्टोर म 251 जेनेरिक दवाइ, 27 सर्जिकल उत्पाद, 69 हर्बल उत्पाद के दवाइ के बेचरी करे जाथ हे।श्री धनवंतरी मेडिकल स्टोर म ओमनीजेल, कोलीमोर ड्रोप्स, टैक्सिम-ओ एफ, पैन्टोटैब डि एस आर, पैरासिटामोल, डायक्लोफेन-एमआर, डिक्लोफोन-एम आर, एक्स क्लोरेन-पी, बोरोसिल, पेन्टियम डीएसआर जईसे कई ठ अउ ब्रान्डेड दवाइ घलो उपलब्ध हे। जे ह सस्ती होए के संग गुणवत्तापूर्ण घलो हे। जम्मो आय वर्ग के लोगन मन ल समानता ले कम कीमत म दवाई उपलब्ध कराए के उद्देश्य ले पूरा प्रदेश म श्री धनवंतरी   मेडिकल स्टोर्स की शुरुआत करे गय हे।
शासन के ए योजना ले आम नागरिक मन अबड़ खुश हे। ए मेडिकल स्टोर म कम कीमत म गुणवत्ता पूर्ण दवाइ उपलब्ध होए ले जरूरत मंद लोगन म ल असानी होवत हे। जम्मो वर्ग के लोगन म ए योजना ले लाभान्वित होवत हे। दूर दराज के लोगन मन ईहाँ आ के ए योजना के लाभ लेवत हे अउ संग म अपन तिर तखार के मन ल घलो ए योजना के बारे म बतात हे अउ ए योजना के लाभ लेहे ब प्रेरित करत हे।
Success Stories
Neha Rathore