दंतेवाड़ा, 16 मार्च 2024। जिला मुख्यालय दंतेवाड़ा म संचालित जवाहर नवोदय चयन पूर्व प्रशिक्षण केन्द्र नन्हे परिंदे पातररास दंतेवाड़ा के 20 लइका मन के चयन अखिल भारतीय स्तर म आयोजित सैनिक विद्यालय प्रवेश परीक्षा 2024 बर होय हे। कलेक्टर दंतेवाड़ा मयंक चतुर्वेदी, मुख्य कार्यपालन अधिकारी जिला पंचायत दंतेवाड़ा कुमार विश्वरंजन के विशेष मार्गदर्शन म संचालित ए संस्था ले 20 लइका मन के चयन होना जिला बर गौरवान्वित भरे पल हे। संस्था के ए उपलब्धि म संयुक्त कलेक्टर अउ नोडल अधिकारी हिमांचल साहू के मार्गदर्शन प्राप्त होत रहे हे। ए संबंध म जिला मिशन समन्वयक एस.एल. सोरी ह बताइस कि अखिल भारतीय स्तर म आयोजित सैनिक विद्यालय प्रवेश परीक्षा 2024 बर 28 जनवरी 2024 के आयोजित ए परीक्षा म नन्हे परिंदे पातररास दंतेवाड़ा के 26 लइका मन ह भाग लेहे रहिन जेमां ले 20 लइका मन के चयन होय हे जेन बहुत बड उपलब्धि हे, ए संस्था के सदैव ही उत्कृष्ट प्रदर्शन रहे हे हर एक साल एखर संस्था ले 70-80 लइका मन के चयन जवाहर नवोदय विद्यालय प्रवेश परीक्षा म होय हे।
दंतेवाड़ा: सैनिक विद्यालय बर आयोजित प्रवेश परीक्षा म नन्हे परिंदे पातररास दंतेवाड़ा के 20 लइका मन के चयन
