दुर्ग : शासन के योजना ले जुड़ के आर्थिक स्वालंबन के डहर महिला समूह के बाढ़त हे कदम

महिला मन ल सशक्त बनाए स्वास्थ्य-शिक्षा के संग संग ओमन ल व्यावसायिक अवसर देहे, ओमन ल आर्थिक रूप ले संपन्न बनाए ब छत्तीसगढ़ सरकार ह महिला मन ल अधिकार संपन्न बनाए अउ ओमन ब स्वावलंबन के नीति अपनाए हे। मुख्यमंत्री श्री भूपेश बघेल के पहल म महिला मन के रचनात्मक क्षमता ल बढ़ाए के संग ओमन के सृजन क्षमता ल स्थानीय संसाधन के संग जोडे़ गय हे। गौठान म स्व सहायता समूह के महिला मन विभिन्न आजीविका मूलक गतिविधि ले जुड़ के आत्मनिर्भर बन गए हे। ग्रामीण क्षेत्र म निवासरत महिला मन ल समूह के रूप म गठित कर रोजगार ले जोड़े जाए के अति महत्वाकांक्षी योजना हे। महिला मन समूह ले जुड़ के सफलता के नवा कहानी लिखत हे। इ कड़ी म महमरा म मां परमेश्वरी स्व सहायता समूह कती ले मसाला उद्योग के संचालन करे जाथ हे। जेमा हरदी, धनिया, मिरचा, गरम मसाला, बेसन के संग खड़ा जीरा अउ सरसों के उत्पादन करे जाथ हे। स्व सहायता समूह के महिला मन एक साल म एक लाख रुपिया तक के मसाला निर्माण कर बेच डारे हे। स्व सहायता समूह ह सी-मार्ट, छात्रावास, लोकल मार्केट, हाट बजार, सुपर मार्ट के छोड़े समय-समय म होए वाले उत्सव मेला, गोठान मेला, सरस मेला म बेचरि करे जाथे, गत तीन बछर ले ए बुता ल ओमन करत आथे।
  मां परमेश्वरी स्व सहायता समूह के अध्यक्ष श्रीमती पार्वती देवांगन ह बतइस कि मुख्यमंत्री श्री भुपेश बघेल के बिहान योजना के अंतर्गत स्व सहायता समूह के महिला मन ल अबड़ लाभ होइस हे। ओ ह बताइस कि ओ ह अर्जित आय ले करजा छुटत हे अउ गोठान के गतिविधि के माध्यम ले अतिरिक्त आय मिले ले जरूरत अउ आने सुविधा जुटाए म सहायता मिलत हे। एकर ले समूह ल बने आमदनी मिलत हे, ओमन व्यवसाय म सहयोग ब अउ समूह ल बजार उपलब्ध कराए ब मुख्यमंत्री श्री भूपेश बघेल ल धन्यवाद ज्ञापित करिस हे।