दूसर हफ्ता घलोक मुख्यमंत्री के जनदर्शन म नागरिक मन म जबरदस्त उत्साह

रायपुर, 04 जुलाई 2024। मुख्यमंत्री श्री विष्णु देव साय के निवास कार्यालय म आज दूसर हफ्ता के जनदर्शन कार्यक्रम म नागरिक मन म जबरदस्त उत्साह रहिस। मुख्यमंत्री श्री साय ले मुलाकात करे अऊ अपन आग्रह-अनुरोध ओ मन ल प्रत्यक्ष सौंपे बर प्रदेशभर ले बड़ संख्या म मनखे आइन। कार्यक्रम म मुख्यमंत्री ह श्रमवीर मन के मेधावी लइका मन ल दू-दू लाख रूपिया के चेक घलोक प्रदान करिन। ए बेरा म मुख्यमंत्री ह अपन निवास कार्यालय परिसर म अपन मां के नाम दहीमन के पौधा लगाइन। जनदर्शन स्थल तीर स्वास्थ्य परीक्षण शिविर घलोक लगाए गए रहिस, जेखर नागरिक मन ह लाभ उठाइन। आज के कार्यक्रम म बहुत अकन अइसन मनखे मुख्यमंत्री ल धन्यवाद कहे आए रहिन, जेन पाछू जनदर्शन म आए रहिन अऊ ऊंखर आवेदन मन के निराकरण घलोक हो गीस।