दिल्ली। देश म लंबा बेरा ले 5जी मोबाइल लांच करे जाये के बात चलत हे लेकिन अब अगला हफ्ता ये कंपनी अपन 5जी इनैबल्ड फोन भारतीय बाजार म लांच करे बर जावत।
मशहूर स्मार्टफोन निर्माता कंपनी रियलमी 24 फरवरी के भारतीय बाजार बर पहली 5जी इनैबल्ड स्मार्टफोन लांच करे बर जावत। भारत के मोबाइल मार्केट म रियलमी तेजी ले अपन पांव पसारत। ऐखर बर कंपनी ह दूसरा मोबाइल कंपनी मन ल टक्कर देवत हुए सबले पहली भारतीय बाजार म 5जी फोन ल लांच करे के फैसला ले हे।
रियलमी जल्द ही भारत म पहली 5जी स्मार्टफोन लॉन्च करने वाला हे। Realme म 24 फरवरी के भारत म Realme X50 Pro स्मार्टफोन पेश करही जोन ह भारत के पहली 5जी फोन होही। Realme X50 Pro मोबाइल वर्ल्ड कांग्रेस म लॉन्च होने वाला रहिस लेकिन कोरोना वायरस के सेती मोबाइल वर्ल्ड कांग्रेस रद्द होगे। ऐखर बाद Realme X50 Pro के लॉन्चिंग बर अलग ले एक इवेंट आयोजित कर ये फोन ल भारतीय बाजार बर लांच कर देही।
