नरवा सुधार ले हथफोड़ नाला के काया कलप: प्रभारी कलेक्टर ह करिस उदुपहा जांच

अम्बिकापुर, जिला पंचायत सीईओ अऊ प्रभारी कलेक्टर श्री विनय कुमार लंगेह अउ वनमंडलाधिकारी श्री पंकज कमल ह बिरसपत के उदयपुर वन परिक्षेत्र के अंतर्गत अवइया हथफोड़ नाला म बने स्टाप डैम, केवीएस, गैबीयन स्ट्रक्चर अउ आन जल संरक्षण बर करे जात काम मन के उदुपहा जांच करिन। उमन नरवा सुधार के जरिये जल संवर्धन के काम ल सहराईन अऊ परिक्षेत्र के आन जल स्रोत मन के संरक्षण-संवर्धन करके किसान मन ल लाभान्वित करे के हुकु दीन।
जानबा हे के हथफोड़ नाला 9 किलोमीटर लंबा हे जेखर केचमेंट एरिया 1009 हेक्टेयर हे ये नाला ल नरवा के रूप म विकसित करे ले पूटा ग्राम पंचायत अऊ ओखर तीर-तखार के गांव सीधा लाभान्वित होवत हे संगेच गांव वाले मन ये नरवा के उपयोग सिंचाई बागवानी अऊ मछली पालन बर करत हें।
नरवा, गरुवा, घुरुवा अऊ बाड़ी अंतर्गत नरवा ल संरक्षित करे के बेहतर प्रयास करे जात हे ते पाए के उदयपुर वन परिक्षेत्र के अंतर्गत नरवा विकास के तहत नाला ल संरक्षित करे जात हे। ये उदुपहा जांच के बेरा म उप वन मंडल अधिकारी विजेंद्र सिंह ठाकुर अउ वन परिक्षेत्र अधिकारी सूर्यकांत मौजूद रहिस।