योजना के लाभ ले के साक्षी प्राप्त करत हे बी.कॉम. के शिक्षा
बेटी मन ल सहायता देहे ब श्रीमती लोकेश्वरी ह मुख्यमंत्री के करिस धन्यवाद
प्रदेश के मुख्यमंत्री श्री भूपेश बघेल ह गरीब, किसान अउ श्रमिक मन ब कई प्रकार के योजना संचालित करे हे, अउ ओमन के कोनो न कोनो तरिका ले मदद होवत हे। प्रदेश सरकार के इ सब योजना म से एक हे, श्रम विभाग के अंतर्गत संचालित’मुख्यमंत्री नोनी सशक्तिकरण सहायता योजना’, जेकर से जिला के श्रमिक वर्ग लाभान्वित होवत हे। ए योजना के लाभ लेहे वाली धमतरी शहर के मजदूरी के बुता करोईया श्रीमती लोकेश्वरी यादव बतात हे कि पति के मृत्यु के बाद ओला अइसे लगिस मानो दुख के पहाड़ टूट के गिर गए हे। लेकिन ओ ह हार नई मानिस अउ दृढ़ निश्चय कर के लईका मन ल बने पढ़ई करा के ओमन ल आघू बढ़ोए के ठान लिस। इ सब ल सोचत हुए लोकेश्वरी मेहनत-मजदूरी करे लगिस, अउ अचानक ओला लोक सेवा केन्द्र ले ’मुख्यमंत्री नोनी सशक्तिकरण योजना’ के जानकारी मिलिस। लोकेश्वरी ह एको मिनट के बेर किये बिन तुरते जरूरी दस्तावेज, कागज पा ले के योजना के लाभ लिये ब आवेदन करिस अउ ओकर आवेदन पास होगे।
विभाग ले मिले पइसा ले लोकेश्वरी ह अपन बेटी कुमारी साक्षी ल बी.कॉम प्रथम वर्ष म दाखिला देवाईस। अउ अब श्रमिक के बेटी ह सरकारी पईसा ले शिक्षा प्राप्त करत हे। लोकेश्वरी ह बताइस कि एकर ले पहिली ओ ह अपन बडे़ बेटी ल नर्सिंग के पढ़ई करबाए ह अपन भुइयां ल बेचे रहिस हे।लोकेश्वरी ह ए घलो बताइस कि समाज कल्याण विभाग कती ले आ प्रतिमाह विधवा पेंशन घलो प्रदाय करे जाथे। गरीब वर्ग के बेटी मन ल शिक्षित अउ सक्षम बनाए ब लोकेश्वरी ह मुख्यमंत्री श्री भूपेश बघेल के हृदय ले धन्यवाद करत हे।
