जांजगीर-चांपा, नरवा, गरवा, घुरवा अऊ बारी के संवर्धन राज्य सरकार के प्राथमिकता के योजना हे। ये योजना के माध्यम ले वर्षा जल के संरक्षण बर नरवा बंधान व स्टाप डेम बनाय जात हे । अइसनहे दूग्ध व्यवसाय, जैविक खेती व गोबर गैस बर व्यवस्थित गौठान व जुन्ना घुरवा के आधुनिक ढंग ले संवर्धन करे जात हे। किसान मन के आय बढ़ाए बर सब्जी-फल-मसाला उत्पादन बर उद्यान विभाग कोति ले बारी के संवर्धन चालू करे गए हे। संबंधित विभाग के योजना मन के माध्यम ले किसान मन ल प्रोत्साहित करे जात हे। जिला म 141 गौठान मन के निर्माण चालू हो गएगीस हे। पहिली चरण म अहाता, चारागाह, कोटना, वर्मीबेड आदि के काम करीबन पूरा हो गए हे। सबो गौठान मन बर सोलर पंप अउ चारागाह म चारा के व्यवस्था करे जात हे। अवइया चरण म जैविक खाद अउ सामुदायिक गोबर गैस आदि घलोक तियार करे जाही। गौठान मन के व्यवस्थित संचालन ले आवारा मवेशी मन ल आश्रय मिलही अउ खेत के फसल घलोक सुरक्षित रइही।
