नरवा विकास योजना : चियोरबहार नाला म संरचना के निर्माण ले वनांचल म खुलिस विकास के नवा रद्दा

कोण्डागांव, छत्तीसगढ़ सरकार के महत्वाकांक्षी “नरवा विकास योजना“ के तहत चियोरबहार नाला म कई संरचना मन के निर्माण ले वनांचल म विकास के नवा रद्दा खुल गे हे। ये तारतम्य म करीबन 16 लाख रूपिया के लागत राशि ले बने अर्दन डेम (मिटटी बांध) ले वन मंडल कोण्डागांव अंतर्गत वन प्रबंधन समिति काकड़गांव ल निस्तारी अऊ सिंचाई सुविधा के संगे-संग मत्स्य पालन के घलोक लाभ मिले लगे हे।
चियोरबहार नाला म बने अर्दन डेम ले वनांचल के मनखे मन ल निस्तारी के संगे-संग 20 एकड़ रकबा म सिंचाई के अकतहा सुविधा उपलब्‍ध हो गए हे। अर्दन डेम के जल संग्रहण क्षेत्रफल 25 हेक्टेयर हे। एकर बने ले वन प्रबंधन समिति काकड़गांव के हितग्राही अर्दन डेम म अब मछरी पालन घलोक करे लगे हे, एखर से काकड़गांव समिति के 30 हितग्राही मन ल सीधा-सीधा लाभ होए लगे हे।
जानबा हे कि केम्पा (छत्तीसगढ़ प्रतिकारात्मक वनरोपण निधि प्रबंधन अउ योजना प्राधिकरण) के वार्षिक कार्य योजना 2020-21 के अंतर्गत वनांचल स्थित चियोरबहार नाला म 66 लाख रूपिया के लागत ले 87 भू-जल संवर्धन संबंधी कई ठन संरचना मन के निर्माण करे गए हे। एमे 47 नग लूज बोल्डर चेक डेम, 24 नग ब्रश वुड चेक डेम, 03 नग 30-40 मॉडल, 02 नग वाटर सोक्ता खंती, 04 नग कन्टुर खंती, 02 नग परकोलेशन टेंक, 02 नग अर्दन डेम, 01 नग तालाब गहरीकरण अऊ 02 नग वाटर होल के काम सम्मिलित हे। करीबन 08 किलोमीटर लम्बाई के चियोरबहार नाला के जल संग्रहण क्षेत्रफल 01 हजार 100 हेक्टेयर हे।