नारायणपुर: जिला के शिक्षक मन के स्कूल नेतृत्व बर राष्ट्रीय स्तर म चयन

नारायणपुर, 30 जनवरी 2024। राष्ट्रीय शैक्षिक योजना अउ प्रशासन संस्थान, नई दिल्ली से स्कूल नेतृत्व बर राष्ट्रीय सम्मेलन करे जात रहा हे, जेमां नारायणपुर जिला के दू शिक्षक मन के चयन होए हे। स्कूल नेतृत्व बर राष्ट्रीय सम्मेलन अंतर्गत, कई ठन विषय म देश के सबो राज्य मन ले केस स्टडी मंगवाए गए रहिस, जेमां 400 ले जादा शिक्षक मन से केस स्टडी प्रस्तुत करे ल कहे गए रहिस। एमां ले छत्तीसगढ़ राज्य ले तीन केस स्टडी चुने गीस, जेमे ले नारायणपुर जिला के दू शिक्षक के चयन होए हे। राष्ट्रीय स्तर म चुने गे केस स्टडी म ले जिला के उच्‍च प्राथमिक शाला मुरियापारा के शिक्षक श्रीमती कविता हिरवानी अउ ज्ञान ज्योति प्राथमिक शाला कोडोली के शिक्षक श्री देवेन्द्र देवांगन चुने गे हे, जेन नारायणपुर जिला बर गर्व के बात हे। राष्ट्रीय स्तर म चुने म जिला प्रशासन कोति ले गणतंत्र दिवस के अवसर म दूने शिक्षक मन ल प्रशस्ति पत्र प्रदान करके सम्मानित करे गीस। चुने गए दूनो शिक्षक 29 ले 31 जनवरी तक विश्व युवक केन्द्र नवा दिल्ली म उपस्थित होके प्रस्तुति देहीं।