नारायणपुर म जरूरतमंद मन के मदद बर आगू आइस समाज सेवी संस्था साथी

नारायणपुर, 20 अप्रैल 2020। जिला म लॉकडाउन के सेती कलेक्टर श्री पी एस एल्मा ह आम नागरिक अउ संस्था मन ले जिला म दिहाड़ी मजदूर मन अऊ जरूरतमंद मनखे मन के आगू आके मदद के अपील करे रहिन। ये काम म ज़िला के व्यवसायी, नागरिक अऊ समाजसेवी संस्था मन के भरपूर सहयोग मिले हे। समाजसेवी संस्था साथी के सहयोग ले ये ज़िला के किसान मन के संग पड़ोसी ज़िला के किसान घलोक जरूरतमंद मन के मदद करत हें। आज स्वंयसेवी संस्था जरूतमंद मन के मदद बर आगू आए हें अऊ करीबन 6 क्विंटल हरियर सब्ज़ी साथी समाज सेवी संस्था के अध्यक्ष श्री भूपेश तिवारी ह अनुविभागीय अधिकारी राजस्व श्री दिनेश कुमार नाग ल सौंपिन। जेमां, टमाटर, लौकी, डोड़का, टिंडा, बरबट्टी, मिर्च, भिंडी अऊ बैंगन सामिल हे।

राज्य शासन के निर्देश के मुताबिक दूसर राज्य अउ आन जिला मन ले काम करे आये 93 मनखे मन ल जिला म संचालित 6 राहत शिविर मन म रखे गए हे। जिहां ऊंखर भोजन, रहे संग आन जरूरत के पूर्ति करे जात हे। ये बेरा म मुख्य कार्यपालन अधिकारी जनपद पंचायत ओरछा श्री आषीष डे, मुख्य नगर पालिका अधिकारी नगर पालिका नारायणपुर श्री अजय लाल सिंह संग साथी संस्था के आन सदस्य उपस्थित रहिन।