“निर्माण कार्य के गुणवत्ता म कोनों भी प्रकार के समझौता नई” -कलेक्टर श्री एल्मा।

कलेक्टर ह करिन निर्माणाधीन एकलव्य आवासीय विद्यालय के औंचक निरीक्षण

मुंगेली 30 जून 2020// कलेक्टर श्री पी.एस.एल्मा ह अपन भ्रमण कार्यक्रम के दौरान विकास खण्ड लोरमी के ग्राम बंधवा पहुॅचके उहां लोक निर्माण विभाग द्वारा 15 करोड़ रूपय के लागत से निर्माणाधीन एकलव्य आवासीय विद्यालय के औंचक निरीक्षण करिन । अपन भ्रमण के दौरान निर्माणाधीन एकलव्य आवासीय विद्यालय के संबंध म एक-एक बिन्दु के जानकारी प्राप्त करिन। ओमन कहीन कि जिला म लोगन के विकास अउ समृधि के लिए निर्माण एजेंसि द्वारा की ठन निर्माण कार्य करे जावत हे। निर्माण कार्य के गुणवत्ता म कोनो भी प्रकार के समझौता नई करे जाय। सख्त लहजा म निर्माण एजेंसी ल निर्धारित गुणवत्ता के साथ निर्माण कार्य ल निर्धारित अवधि म पूरा करे के निर्देश दिन। कलेक्टर श्री एल्मा ह ग्राम बंधवा मे ही संचालित मल्टी यूटिलिटि सेंटर के अवलोकन करिन अउ मल्टी यूटिलिटि सेंटर म कार्यरत् स्वसहायता समूह के महिला से ऊंखर लाभ सहित आन कामकाज के संबंध म जानकारी प्राप्त करिन अउ मल्टी युटिलिटि सेंटर ल अउ जादा लाभदायक बनाय के लिए संबंधित अधिकारि ल निर्देश दिन।