अम्बिकापुर, पुलिस महानिरीक्षक श्री अजय कुमार यादव के हुकुम के मुताबिक स्कूल अउ महाविद्यालयीन छात्रा मन ल आत्मरक्षा के गुर सिखाए बर सरगुजा जिला म हिम्मत अभियान के शुरुआत करे गए हे। कलेक्टर श्री संजीव कुमार झा अउ पुलिस अधीक्षक श्री अमित तुकाराम काम्बले के उपस्थिति म सोमवार के राजमोहिनी देवी शासकीय कन्या महाविद्यालय म अभियान के शुभारंभ करे गीस। हिम्मत अभियान सरगुजा पुलिस के एक नवाचारी पहल ये जेमे छात्रा मन ल कॉम्बैट कोति ले आत्मरक्षा के शारीरिक दांव-पेंच बताए जाही।
कलेक्टर श्री झा ह कार्यक्रम ल संबोधित करत कहिन कि ये 10 दिन के कार्यक्रम ले छात्रा मन के आत्मविश्वास बाढ़ही अऊ ऊंखर परिवार ल घलोक अच्छा लगही। ये कार्यक्रम स्कूल कॉलेज के रूटीन काम ले हटके होही। एखर से केवल छात्रा मन के ही हिम्मत नइ बाढ़य भलुक परिवार के सदस्य मन के घलोक हिम्मत बाढ़ही। स्कूल कॉलेज बुद्धि के विकास तो करथेच, बुद्धि के संग बल घलोक होही त हम अपन मान-सम्मान के रक्षा कर सकत हन। उमन कहिन कि जब मान-सम्मान म कोनो खतरा आही त ये कौशल के उपयोग करके खतरा ले बचे जा सकत हे। अपन आप ल अतना सक्षम बनावव कि अपन रक्षा खुद कर सकव।
पढ़ईया नोनी मन ल अपन रक्छा मंतर सिखाए बर शुरू होइस हिम्मत अभियान
