पत्रकारिता के उद्देश्य समाज के बुराई मन ल दूर करके जागरूकता लाना हे: मंत्री गुरू रूद्रकुमार

रायपुर, लोक स्वास्थ्य यांत्रिकी अउ ग्रामोद्योग अऊ मुंगेली जिला के प्रभारी मंत्री गुरू रूद्रकुमार 08 फरवरी के छत्तीसगढ़ श्रमजीवी पत्रकार संघ संभागीय सम्मेलन म सामिल होइन। सम्मेलन के आयोजन मुंगेली के डॉ. श्यामा प्रसाद मुखर्जी स्टेडियम म करे गए रहिस। कार्यक्रम म पत्रकार मन मंत्री गुरू रूद्रकुमार के भव्य स्वागत करिन।
कार्यक्रम ल संबोधित करत होइन मंत्री गुरू रूद्रकुमार ह कहिन कि लोकतंत्र म मीडिया के विशेष भूमिका रहिथे, पत्रकार आलोचना के माध्यम ले गलति मन सुधारे के अवसर देथें। पत्रकार एक प्रकार से समाज ल जागरूक करथें। समाज के मनखे मन ल एक पत्रकार कई क्षेत्र के जानकारी देथें, जेखर से गांव के मनखे किसान अउ मजदूर वर्ग के मनखे घलोक जानकारी पाके अपन जीवन म आगू बढ़ पाथें अऊ जीवन म कई काम मन म आगू बढ़के अपन जीवन ल बेहतर करथें। सही म पत्रकार हम सबो बर काफी महत्वपूर्ण होथे। पत्रकारिता के उद्देश्य समाज म व्याप्त बुराई मन ल दूर करे अऊ मनखे मन म जागरूकता लाना हे।