परदेशी चंद्रा गोबर बिक्री के पईसा ले गाय बिसा के बढ़ात हे डेयरी

सारंगढ़ बिलाईगढ़, राज्य सरकार ह गोठान म गोबर खरीदी करत हे। गोबर 2 रुपिया प्रति किलो भुगतान करे जाथ हे। अइसे म किसान अउ पशुपालक गोबर के ए पईसा ले घर के रोजमर्रा खरचा, लईका मन के स्कूली फीस आदि के निर्वहन करत हे।
सारंगढ़ विकासखंड के खूड़बेना गाँव के पशुपालक परदेशी लाल चंद्रा के निजी डेयरी म 5 गाय बिसा के दूध के व्यापार करथे। राज्य सरकार के योजना गोठान म गोबर बेच के एला लगभग 2 लाख रूपिया के आमदनी होए हे। ए पइसा ले घर परिवार के खरचा के बाद ए ह आमदनी ले डेयरी ब नित गाय बिसा के बढ़ाय हे। अभी तक 5 गाय बिसा डारे हे। वर्तमान म एकर करा 12 गाय हे। राज्य शासन के महत्वाकांक्षी सुराजी योजना ले किसान अउ पशुपालक मन के व्यक्तिगत जीवन म घलो उन्नति होए हे। 
उल्लेखनीय हे कि वर्ष 2021 म पशुधन विकास विभाग कती ले कोसीर म आयोजित पशु मेला म परदेशी लाल चंद्रा ल जर्सी, साहीवाल, अउ एचएफ विदेशी नस्ल के दुधारू गाय के रखरखाव अउ 22 ले 24 लीटर दूध उत्पादन ब जिला स्तर म पुरस्कार दिए गय रहीस हे। परदेेेशी लाल चंद्रा राज्य सरकार के सुराजी योजना ले खुुश हे।