पशु चिकित्सा शिविर म मवेसी मन ल लम्फी बीमारी ले बचाव बर टीकाकरण

बलौदाबाजार, पशु चिकित्सा विभाग कोति ले पशु चिकित्सा शिविर के आयोजन करके पशुधन ल लम्फी बीमारी ले बचाव बर टीकाकरण करे गए हे। शिविर म पशु मन के स्वास्थ्य परीक्षण करे गीस और  अऊ लम्फी बीमारी ले बचाव बर टीकाकरण करे गीस।  एखर संगेच पशु मन ल कृमिनाशक दवई, एक पशु म कृत्रिम गर्भाधान अऊ 11 पशु मन बर औषधि बांटे गीस।
कलेक्टर बलौदाबाजार-भाटापारा के हुकुम के मुताबिक उप संचालक पशु चिकित्सा सेवा के मार्गदर्शन म विकासखंड बलौदाबाजार के ग्राम सरखोर के गौठान म पशु मन बर शिविर आयोजन करे गीस। शिविर म मोबाईल वेटेरिनरी यूनिट ले डॉ. नेहा यादव, श्री जानू जांगडे अऊ पशु चिकित्सालय-तिल्दा ले डॉ. संतोष पुरेना, श्री हेमंत विश्वकर्मा ह पशु मन के स्वास्थ्य जांच करिन। उप संचालक पशु चिकित्सा सेवा ह बताइस के पशु चिकित्सालय तिल्दा के टीम के संग पाछू दिन ग्राम सरखोर के गौठान म रखे गये पशु मन के स्वास्थ्य जांच नियमित रूप ले करे जात हे। गौठान म लगभग 160 पशु रखे गए हे, जेखर बर ग्राम पंचायत से 04 पशु चरवाहा रखे गये हे। चरवाहा ह रोजेच पशु मन ल 5-6 घंटा चराथे।
गौठान म चारा-पानी के व्यवस्था घलोक पंचायत कोति ले करे गए हे। एखर संगेच तहसीलदार लवन ह घलोक गोठान के निरीक्षण करके व्यवस्था मनके जायजा लेहे हे। उमन सरपंच अऊ चरवाहा मन ले पूछताछ करके जरूरी व्यवस्था गौठान म रखे अउ मवेसी मन बर चारा-पानी के व्यवस्था करे ल कहें हें। पशु चिकित्सा शिविर म सरपंच के संगे-संग पशु चिकित्सा विभाग कोति ले पशु चिकित्सक अऊ ग्राम के पशु चरवाहा मन के घलोक विशेष सहयोग रहिस।