जांजगीर-चाम्पा, तीन साल पहिली ये गांव के किसान मन के तकदीर अइसन नइ रहिस, सब कुछ मौसम के मेहरबानी उपर टिका रहिस। कभू बरसा होवय तभे खेत अऊ बाड़ी मन म फसल या साग सब्जी उपजा पात रहिन, नइ त सब सुखा रहि जात रहिस। गांव के मनखे मन तीर सब्जी या फसल उत्पादन बर न तो पानी रहिस अऊ नइ ही उंखर आमदनी। ये किसान हितैषी मुख्यमंत्री श्री भूपेश बघेल के दूरदर्शी सोच रहिस के उमन ग्राम सुराजी योजना के तहत नरवा योजना ले छोटे-छोटे नदी-नाला मन ल विकसित करे अऊ गांव वाले मन बर पानी उपलब्ध कराए के कल्पना करिन। आखिरकार कुछेक महीना के बाद उंखर ये कल्पना धरातल म न सिरिफ साकार होइस, भलुक स्टापडेम अऊ नाला बंधान जइसे काम मन ले गांव वाले मन ल अतका पानी मिले लगिस कि ओ मन हर मौसम म अपन बाड़ी म सब्जी उत्पादन कर पात हें, अऊ धान संग आन फसल लेके अपन आमदनी म घलोक इजाफा करत हें।
पहिली अइसनहे बोहा जात रहिस पानी, नाला बंधान ले किसान मन के बाढि़स आमदनी
