पहाड़ी कोरवा, बिरहोर परिवार मन ल मिलत हे पक्का मकान
जनपद पंचायत मनोरा के ग्राम करदना के मनखे योजना ले होइन लाभान्वित
12 ले जादा हितग्राही मन ल मिलीस अपन आशियाना
जशपुर, 25 अगस्त 2024। हर एक मनखे के सपना होथे के ओखर अपन एक पक्का मकान होवय, जेन ल पूरा करे बर वो आजीवन मेहनत करथे लेकिन आर्थिक रूप ले कमजोर मनखे खुद के पक्का मकान बना पाना एक सपना ही रहि जाथे। अइसन म ओ सपना ल भारत सरकार कोति ले संचालित प्रधानमंत्री आवास योजना अउ प्रधानमंत्री जनमन आवास के जरिये साकार करे जात हे। अइसनहेच एक कहानी जशपुर जिला के जनपद पंचायत मनोरा के ग्राम पंचायत करदना (छतौरी) के हे, जिहां राष्ट्रपति के दत्तक पुत्र कहलाने वाले विशेष पिछड़ी जनजाति पहाड़ी कोरवा जेन ज्यादातर घना जंगल म पेड़, पत्ता अउ छाल ले झोपड़ी बनाके निवास करत रहिन जे मन ल बरसात के मौसम म टपकत छत अउर सांप-बिच्छू के समस्या रहय। जेखर सेती ओ मन के जीवन-यापन एक चुनौती रहिस। अइसन म भारत सरकार कोति ले संचालित प्रधानमंत्री जनमन आवास योजना एक वरदान साबित होइस। जेखर तहत ग्राम पंचायत करदना म कुल 30 पहाड़ी कोरवा परिवार के सर्वे करके अभी हाल म 16 घर के स्वीकृति प्रदान करके 12 घर पूरा करा दे गीस अउर 4 घर निर्माणाधीन हे।
