पोषण पुनर्वास केन्द्र: लइका मन ल चहकत देखके अभिभावक मन के खिलिस चेहरा

रायपुर, चहकत लइका घर के रौनक होथे, जऊन अपन नटखट अंदाज ले कोनो ल भी स्वभाविक रूप ले आकर्षित कर लेथें। अइसनहे खूबसूरत नजारा जांजगीर-चांपा जिला के पोषण पुनर्वास केन्द्र मन म देखे ल मिलत हे। ए केन्द्र मन म शारीरिक रूप ले कमजोर अऊ कुपोषित लइका मन ल सामान्य श्रेणी म लाय बर विशेष उदीम करे जात हे। जांजगीर-चांपा जिला म जिला अस्पताल संग सक्ती, डभरा अऊ मालखरौदा म 10-10 बेड वाले पोषण पुनर्वास केन्द्र संचालित हे। राज्य सरकार एखर प्रति गंभीर हे अऊ अवइया 2 अकटूबर ले प्रदेश भर म कुपोषण मुक्ति बर विशेष अभियान चालू करे जावत हे।