प्रथम खेलो इंडिया जनजाति खेल राष्ट्रीय प्रतियोगिता म छत्तीसगढ़ ल मिलिस पदक

आवासीय तीरंदाजी अउ एथलेटिक अकादमी के खिलाडी मन ह जितिस पदक
आवासीय तीरंदाजी अकादमी बिलासपुर के कुबेर सिंह ल 30 मीटर म सिल्वर मैडल मिलिस अउ ओवर ऑल म दूसरा स्थान रहिस
आवासीय एथलेटिक अकादमी बिलासपुर के खिलाड़ी कुमारी तर्निका टेटा ह 100 मीटर विमेंस प्रतियोगिता म रजत पदक जितीस
राज्य खेल प्रशिक्षण केंद्र बिलासपुर म 25 मई के राज्य के विभिन्न खेल विधा के खिलाड़ि मन के चयन ट्रायल खेल अउ युवा कल्याण विभाग कती ले आयोजित करे गय रहीस हे
मुख्यमंत्री श्री भूपेश बघेल अउ खेल एवं युवा कल्याण मंत्री श्री उमेश पटेल ह खिलाड़ि मन ल दिस बधई
रायपुर, ओडिशा के भुवनेश्वर म प्रथम खेलो इंडिया जनजाति खेल राष्ट्रीय प्रतियोगिता म छत्तीसगढ़ के खिलाड़ि मन ल विभिन्न स्पर्धा म पदक मिले हे। आवासीय तीरंदाजी अकादमी बिलासपुर अउ एथलेटिक अकादमी के खिलाड़ि मन ह पदक जीते हे। मुख्यमंत्री श्री भूपेश बघेल अउ खेल युवा कल्याण मंत्री श्री उमेश पटेल ह खिलाड़ि मन ल बढ़िया प्रदर्शन ब बधई दीस हे। आवासीय तीरंदाजी अकादमी बिलासपुर के कुबेर सिंह ल 30 मीटर म सिल्वर मेडल मिले हे अउ ओवरऑल चैंपियनशिप म ओ ह दूसरे स्थान म रहिस हे। ईसने आवासीय एथलेटिक अकादमी बिलासपुर के खिलाड़ी कुमारी तर्निका टेटा ह 100 मीटर वीमेन्स स्पर्धा म रजत पदक जीते हे। राज्य के प्रशिक्षण केंद्र बिलासपुर म 25 मई के राज्य के विभिन्न खेल विधा के खिलाड़ि मन के चयन ट्रायल खेल अउ युवा कल्याण विभाग कती ले आयोजित करे गय रहीस हे।
प्रतियोगिता म आज आयोजित होए विमेन फुटबॉल सेमीफाइनल म छत्तीसगढ़ के टीम ह त्रिपुरा ल 4-0 ले हरो के फाइनल म प्रवेश करे हे। ए प्रतियोगिता म बालिका फुटबॉल एकेडमी रायपुर के खिलाड़ी किरण पिस्दा ह तीन गोल करिस जबकि बस्तर के पिंकी कश्यप ह एक गोल करिस। फाइनल मैच छत्तीसगढ़ अउ झारखंड के बीच 12 जून के खेले जाही। उल्लेखनीय हे कि भुवनेश्वर म आयोजित होवत ए प्रतियोगिता म 18 राज्य के 5000 एथलीट मन हिस्सा लेवत हे।