- छत्तीसगढ़ सरकार प्रदेश के 65 लाख परिवार मन ल राशन दे बर प्रतिबद्ध
कवर्धा, प्रदेश के वन, परिवहन, घर, पर्यावरण मंत्री श्री मोहम्मद अकबर ह कहिन कि नवा सरकार ह प्रदेश के हर एक परिवार मन ल राशन दे बर प्रतिबद्ध हे। सरकार अपन वायदा ल पूरा करे बर प्रदेश के 65 लाख परिवार मन ल राशन देहे जात हे। अवइया महिना ले प्रदेश के सबो परिवार मन ल राशन मिलना शुरू हो जाही। उमन ये घलोक कहिन कि हमन सबो परिवार मन ल राशन दे के वायदा करे रहेन। सरकार ह एखर बर चार हजार करोड़ रूपिया के प्रावधान रखे हे।
वन मंत्री श्री अकबर ह ये बात कवर्धा नगरपालिका म आयोजित तीन अलग-अलग जगा नवीनीकृत राशन कार्ड वितरण करत कहिन। उमन तीन शिविर मन म आठ वार्ड के 2255 हितग्राही मन ल नवीनीकृत राशन कार्ड वितरण करिन। शिविर म शंकर नगर वार्ड, सतबहनिया वार्ड, महबूब शाह दातार वार्ड, शक्ति वार्ड, मारूती वार्ड, बुढ़ामहादेव वार्ड, रामजानकारी वार्ड, राधा कृष्ण वार्ड के हितग्राही मन सामिल होइन।
