प्रधानमंत्री आवास योजना ले गरीब परिवार मन के सपना ल मिलीस मजबूत सहारा

मन्नू लाल ल मिलीस सुरक्षित पक्का घर, अब हर घर म खुशहाली के अंजोर
मुंगेली, हर मनखे के सपना होथे के ओखर अपन पक्का घर होवय, जेमां वो परिवार के संग सुरक्षित अऊ सम्मानजनक जीवन जी सकय। प्रधानमंत्री आवास योजना (ग्रामीण) ह इही सपना ल साकार करत हे। ए योजना के माध्यम ले मुंगेली जिला के सैकड़ों जरूरतमंद परिवार मन ल आश्रय अऊ खुशहाली मिले हे।
ग्राम पंचायत पदमपुर के श्री मन्नू लाल नट, जेन रोजी-मजदूरी करके अपन परिवार के पालन-पोषण करथे, तेखर साल 2024-25 म ए योजना के तहत पक्का मकान पासय होइस। कइ बछर ले कच्चा घर म रहइया मन्नू लाल बताथे के बरसात म छांधी चूहय, भिथिया ओदरय, ये हाल म परिवार हमेशा असुरक्षा म जीयत रहिस। सीमित आमदनी के सेती पक्का घर बनवाना केवल सपना रहिस।
प्रधानमंत्री आवास योजना के तहत घर पास होए के बाद ओखर ये सपना साकार हो गे। अब ओखर परिवार मजबूत अऊ स्वच्छ मकान म सुरक्षित जीवन जीयत हे। मन्नू लाल कहत हे — “अब बारिश अऊ तूफान के डर नइ रहय, लइका मन आराम से पढ़थें अऊ अब हम गरब के संग कहिथन के अब हमरो घर हे।”
वो ह प्रधानमंत्री श्री नरेंद्र मोदी, मुख्यमंत्री श्री विष्णु देव साय अऊ शासन-प्रशासन के प्रति आभार जतात कहिस के ये योजना गरीब परिवार मन बर सिरतोन म जीवन बदलइया सौगात ये।