रायपुर, प्रधानमंत्री श्री नरेन्द्र मोदी ले आज नई दिल्ली म राज्यपाल सुश्री अनुसुईया उइके ह सौजन्य मुलाकात करिन। राज्यपाल संग प्रधानमंत्री श्री मोदी ह छत्तीसगढ़ के नक्सलवाद संग कई ठन मुद्दा उपर गोठ-बात करिन। राज्यपाल ह प्रधानमंत्री ल गणेश चतुर्थी, जम्मू-कश्मीर ले धारा 370 अऊ 35 ए ल निरस्त करे, ‘तीन तलाक ल खतम करे अऊ राष्ट्रीय खेल दिवस के अवसर म शुरू करे गए ‘फिट इंडिया मूवमेंट’ बर शुभकामना दीन।
राज्यपाल ह प्रधानमंत्री कोति ले जलसंवर्धन बर करे जात काम मन बर व्यक्तिगत अऊ छत्तीसगढ़वासी मन कोति ले बधाई दीन। राज्यपाल ह प्रधानमंत्री श्री मोदी ल कई ठन सामाजिक संगठन मन ले मुलाकात अऊ अब तक करे गए काम मन ले संबंधित एक छोटकुन पुस्तिका घलोक भेंट करिन। प्रधानमंत्री श्री मोदी ह राज्यपाल ले कहिन कि छत्तीसगढ़ के विकास बर समाज के सबो वर्ग मन ल लेके काम करव। राज्यपाल ह प्रधानमंत्री श्री मोदी ल भगवान गणपति के प्रतिमा घलोक भेंट करिन।
