प्रधानमंत्री सूर्यघर-मुफ्त बिजली योजना 6 प्रतिशत ब्याज दर म बैंक करजा

सौर ऊर्जा पर्यावरण हितैषी के संग भविष्य के ऊर्जा -रमेश
शासन के योजना ले बिजली बिल म मिलीस राहत
धमतरी, सौर ऊर्जा पर्यावरण हितैषी हे संगेच भविष्य के ऊर्जा जरूरत मन ल पूरा करे म घलोक महत्वपूर्ण भूमिका निभावत हे। शासन के प्रधानमंत्री सूर्यघर मुफ्त बिजली योजना उपभोक्ता मन खातिर किफायती अऊ उपयोगी साबित होवत हे। प्रधानमंत्री सूर्यघर-मुफ्त बिजली योजना ले डबल अनुदान देहे जात हे। इच्छुक उपभोक्ता मन ल 6 प्रतिशत ब्याज दर म बैंक करजा बर बैंक मन ल जनसमर्थन पोर्टल ले ऑनलाईन करना होथे। आवेदन के बाद सत्यापन के पाछू बैंक करजा उपलब्ध कराए जात हे।
धमतरी जिला म ए योजना के प्रति आमजनता म तेजी ले रूचि बढ़त हे अऊ मनखे अपन घर के छत म सोलर पैनल लगाके बिजली बचत के संगे-संग ऊर्जा-दाता घलोक बनत हें। जोधपुर वार्ड के रहवइया श्री रमेश कुमार लहरे ह बताइस के वो ह अपरेल 2025 म अपन घर के छत म 3 किलोवाट क्षमता के सोलर पैनल स्थापित करिस। ए म करीब 2 लाख रूपिया के लागत आइस, जेमां शासन ले ओ ल एक लाख 8 हजार रूपिया के अनुदान मिलीस। वो ह बताइस के पहिली हर महिना ओखर बिजली बिल 5000 ले 6000 रूपिया आवय रहिस। गर्मी के दिन म ये खर्च अऊ जादा हो जात रहिस, फेर सौर पैनल लगाय के बाद अपरेल 2025 ले अब तक ओखर बिजली बिल 600-700 ही आए हे जेन नहीं के बरोबर हे। अतकेच नहीं, अकतहा बिजली के उत्पादन होए म वो ग्रिड म घलोक जमा होवत हे, जेखर उपयोग जरूरत पडे़ म भविष्य म करे जा सकत हे। श्री लहरे ह कहिस के प्रधानमंत्री सूर्यघर मुफ्त बिजली योजना बेहद उपयोगी हे। वो ह बताइस के अब छत्तीसगढ़ सरकार ह घलोक प्रधानमंत्री सूर्यघर मुफ्त बिजली योजना के अंतर्गत सोलर पैनल लगाय म अनुदान देवत हे, जेखर से उपभोक्ता मन ल अब दोहरा लाभ मिलही। वो ह आम नागरिक मन ले अपील करे हे के ओ मन ए योजना के लाभ लेहे खातिर आगू आवंय। श्री लहरे ह ए महत्वपूर्ण योजना खातिर प्रधानमंत्री श्री नरेन्द्र मोदी अऊ मुख्यमंत्री श्री विष्णु देव साय के प्रति आभार व्यक्त करे हे।