प्रधानमंत्री सूर्यघर मुफ्त बिजली योजना ले ऊर्जा उत्पादक बनिस अरूण गुप्ता

मिलीस बिजली बिल के बोझा ले मुक्ति घरे म बनत हे बिजली
बलरामपुर-रामानुजगंज, शासन के प्रधानमंत्री सूर्यघर मुफ्त बिजली योजना उपभोक्ता मन खातिर लाभकारी सिद्ध होवत हे। सौर ऊर्जा न केवल पर्यावरण हितैषी हे, बल्कि भविष्य के ऊर्जा जरूरत मन ल पूरा करे म घलोक महत्वपूर्ण भूमिका निभावत हे। प्रधानमंत्री सूर्यघर मुफ्त योजना ले ऊर्जा उत्पादक बनके प्रदूषण मुक्‍त बिजली अपन घर पैदा करके प्राकृतिक संरक्षण घलोक करत हें। ए योजना के प्रति आमजनता म तेजी ले रूचि बाढ़त हे अऊ मनखे सोलर पैनल लगाके बिजली बचत के संगे-संग ऊर्जा-दाता घलोक बनत हें। 
एक लाख 8 हजार के अनुदान शासन ले
बलरामपुर-रामानुजगंज जिला के ग्राम पस्ता के रहवइया श्री अरूण कुमार गुप्ता ह अपन घर के छत म 3 किलोवाट के सोलर पैनल लगवाए हे। सोलर पैनल लगवाए म केंद्र सरकार कोति ले 78 हजार रूपिया अऊ राज्य सरकार कोति ले 30 हजार रूपिया के सब्सिडी देहे जात हे। उमन बताइन के पहिली हर महिना ओखर बिजली बिल जादा आवत रहिस, फेर सौर पैनल लगे ले अब ओ ल बिजली बिल के चिन्ता ले मुक्ति मिलही। संगेच अकतहा बिजली के उत्पादन होए म वो ग्रिड म घलोक जमा होही, जेखर उपयोग जरूरत परे म भविष्य म करे जा सकही।