पढ़ई तुंहर द्वार म चलत हे पढ़ई

ऑनलाइन पढ़ई शिक्षा के दिशा म एक नवा पहल

मुंगेली 12 जून// कलेक्टर श्री पी. एस. एल्मा के मार्गदर्शन म पढाई तुहंर दुवार आनलाईन पढाई म लोरमी के विद्यार्थी ,पालक ,शिक्षक घलो अध्ययन अध्यापन में भाग लेवत हें। इसनिहे कल प.जगन्नाथ महंत शास.उच्च.माध्य.विद्यालय ल ऑनलाइन क्लास सेंटर बनाय गे हे। जेहां राघवेंद्र सोनी (व्याख्याता) ह कक्षा 10 वीं म गणित विषय केे बहुपद ल पढ़ाय गिस । गुरूजी अपन कक्षा म समय मे उपस्थित होके ऑनलाइन अध्यापन कार्य सम्पादित करत हावयं । ये पहल शिक्षा के दिशा म नवा पहल हे। हिंदी विषय के महत्ता ल समझात शिक्षक श्री युगल किशोर राजपूत द्वारा कक्षा 7 वी ले पाठ सितारा ले आगे शीर्षक म कल्पना चावला के जीवन म प्रकाश डालत ऊंखर अंतरिक्ष यात्रा म चित्रण करे गिस अउ पाठ के व्याकरण भाग ले संधि, मुहावरा अव योजक चिन्ह ल भी बताय गिस। प्रश्नोत्तरी काम म कई ठन क्षेत्र ले जुड़े लइका ह उत्तर दिन जेमें विकासखंड सहित पुरा राज के विद्यार्थीमन ह भाग लेत अध्ययन अध्यापन करिन। कक्षा 1 घण्टा तक चलिस। एखर बाद कल्पना चावला के अंतरिक्ष यात्रा के लघु फिल्म घलो दिखाय गिस। कक्षा के दौरान लइकामन के सवाल जवाब कौन बनेगा करोड़पति के तर्ज म लिये गिस। जेन बहुत ही मनोरंजक के साथ-साथ ज्ञानवर्धक रहिस। अंग्रेजी विषय ले सुनील शर्मा (स्पोकन इंग्लिश), रोशन राजपूत (विज्ञान), दयाराम साहू (विज्ञान) द्वारा कक्षा लिये गिस।