रायपुर, मुख्यमंत्री श्री भूपेश बघेल के छत्तीसगढ़िया ओलंपिक के खेल ले ग्राम सिंगापुर के 65 बछर के श्रीमती त्रिवेणी ठाकुर ल अपन लइकई के सुरता आ गे। पंचायत स्तर ले लेके जोन स्तर तक छत्तीसगढ़ी खेल बिल्लस अऊ फुगड़ी म पहिली स्थान प्राप्त करके वो ह अऊ अब जिला स्तर म पहुंच गए हे।
श्रीमती त्रिवेणी ठाकुर ह बताइस कि जब पता चलिस कि फुगड़ी अऊ बिल्लस जइसे खेल के प्रतियोगिता गांव म होवत हे तब ओ ल लइकई के सुरता आईस अऊ भाग लेहे पहुंच गे। वो ह बताइस कि जब प्रतियोगिता म खेलिस त लगिस के बचपन के दिन लहुट गे हे अऊ सरलग खेलत रहिस। वो ह कहिस के मोला पता नइ रहिस के पहिली नम्बर म जीतहूं। अब जुन्ना खेल ले उत्साह लहुटे हे। गांव म लइका, जवान, सियान, महिला मन ल खेल के मैदान म देख के रौनक नजर आवत हे। छत्तीसगढिय़ा ओलंपिक म सबो अपन दम- खम देखावत हें।
सिंगापुर के 65 बछर के श्रीमती त्रिवेणी ठाकुर ह कहिस फुगड़ी अऊ बिल्लस ले सुरता आ गे लइकई
