बलरामपुर, राष्ट्रीय पोषण अभियान अंतर्गत बौनापन के स्तर ल घटाये, एनिमिया अउ जन्म के समय लइका मन के कम वजन के समस्या ल सुलझाए अउ किशोरी मन, गर्भवती महिला मन अउ स्तनपान करइया माता मन ल लक्षित करके कुपोषण दर म कमी लाय अउ आंगनबाड़ी केन्द्र अउ सामुदायिक सहयोग ले पूरक पोषण आहार सतत् सीख प्रक्रिया अंतर्गत प्रशिक्षण, सुपोषण चौपाल टीकाकरण, आयरन गोली के सेवन आदि कार्यक्रम संचालित करे जात हे।
कलेक्टर श्री संजीव कुमार झा के निर्देशन म जिला कार्यक्रम अधिकारी महिला अउ बाल विकास विभाग श्री जे.आर. प्रधान कोति ले कार्यक्रम के सफल क्रियान्वयन बर सेक्टर पर्यवेक्षक अउ आंगनबाड़ी कार्यकर्ता मन ल दायित्व सौपे गए हे। जिला म चलत राष्ट्रीय पोषण अभियान कार्यकम के क्रियान्वयन के निरीक्षण पाछू दिनन श्री जे.आर. प्रधान ह करिन। निरीक्षण म बाल विकास परियोजना राजपुर के सेक्टर परसागुड़ी अंतर्गत ग्राम चिलमाकला के आंगनबाड़ी केन्द्र चिलमाकला, महानपारा, बथानपारा बंद पाए गीस। इही प्रकार से निरीक्षण के समय बाल विकास परियोजना कुसमी के सेक्टर भुलसीकला अंतर्गत ग्राम चैनपुर के आंगनबाड़ी केन्द्र चैनपुर खास, चैनपुर कवंरपारा, ग्राम हर्रा के आंगनबाड़ी केन्द्र हर्री घासीपारा, कवंरपारा, बकसपुर अउ ग्राम भुलसीकला खास, स्कूलपारा, तेतरटोली छापरपारा, अउ बाल विकास परियोजना रामचन्द्रपुर के ग्राम बसेराखूर्द के आंगनबाड़ी केन्द्र बसेराकला, बीचपारा, गोड़टूटीपारा, पटेलपारा, अउ बाल विकास परियोजना वाड्रफनगर के ग्राम बेलसर के आंगनबाड़ी केन्द्र देवार टोला, बीचपारा बेलसर खास, चाकी खास, सुलसुली खास, खेरवारीपारा, तितलीपारा, महुलीखास के आंगनबाड़ी केन्द्र बंद अउ आंगनबाड़ी कार्यकर्ता अनुपस्थित पाय गीस।
जिला कार्यक्रम अधिकारी श्री जे.आर. प्रधान ह बताइस के निरीक्षण के समय बंद आंगनबाड़ी केन्द्र मन के अनुपस्थित आंगनबाड़ी कार्यकर्ता अउ लइका मन के कम उपस्थिति वाले आंगनबाड़ी केन्द्र मन के आंगनबाड़ी कार्यकर्ता मन अउ संबंधित सेक्टर पर्यवेक्षक मन म जवाबदारी तय करके अनुशासनात्मक कार्यवाही करे जात हे।
