- आठ हजार ले जादा मनखे मन के उपचार
जगदलपुर, बस्तर जिला के 40 साप्ताहिक हाट-बाजार मन म पाछू तीन महीना ले मुख्यमंत्री हाट बाजार क्लीनिक योजना संचालित करे जात हे। ए साप्ताहिक बाजार मन म चिकित्सक अऊ पैरामेडिकल स्टॉफ नियमित रूप ले पहुंचके जरूरतमंद मन के निःशुल्क उपचार करे जावत हे। ए बाजार मन म ब्लड प्रेशर, शुगर, मलेरिया, सिकलिंग,हीमोग्लोबिन आदि के निःशुल्क जांच करे जात हे। एखरे संगेच बीमारी के पता लगे म मरीज ल निःशुल्क दवई तको बांटे जात हे।
