दुर्ग, कोनो भी काम ल सफलतापूर्वक करे ब मेहनत, ईमानदारी दृढ़ संकल्प होना जरूरी हे। इ कड़ी म जिला के पाटन विकासखण्ड के अंतर्गत ग्राम पंचायत खोपली के श्रीमती द्रोपदी काकड़े ह यू-ट्यूब ले गमला बनाए के विधि देख के अपन खुद के व्यवसाय चलावत हे। वर्तमान म श्रीमती द्रोपदी काकड़े असीता स्व सहायता समूह के अध्यक्ष हे अउ अपन संगे म अन्य 10 महिला मन ल घलो प्रशिक्षण देके ओमन ल रोजगार प्रदान करत हे।
असीता स्व सहायता समूह के अध्यक्ष श्रीमती काकडे़ ह बताइस कि ओ ह पहिली दूसर के खेत म मजदूरी के बुता करत रहिस हे , जेकर ले ओकर घर के गुजारा नई हो पात रहिस हे। कछु बने सही रोजगार करे के सोच के ओ ज यू-ट्यूब के माध्यम ले सीमेंट के गमला बनाए सीखिस अउ संगे म स्व सहायता समूह के महिला मन ल घलो प्रशिक्षण दिस। डिमांड के आधार म समूह के महिला ह 600 सीमेंट के गमला निर्मित कर के राजनांदगांव म बेचे ब भेजत हे । समूह के महिला मन गमल के संग संग तुलसी चौरा अउ माटी के झरना घलो तियार करत हे। झरना निर्मित कर लगभग एक लाख के फायदा हो गए हे।
असीता स्व सहायता समूह के माध्यम ले कवर ब्लॉक, पेवर ब्लॉक, प्लांटिंग पोल अउ फेसिंग पोल घलो तियार करे जाथ हे , जेकर से ओमन ल बने लाभ होए हे। वर्तमान म कवर ब्लॉक के निर्माण कर 50 हजार के आमदनी प्राप्त करे हे। एकर संग ही तलाओ म मछरी उत्पादन के बुता घलो करत हे। मछलीपालन विभाग के अधिकारी मन के मार्गदर्शन म शासन के योजना के लाभ ले के मछरी बेच के लगभग एक लाख के राशि प्राप्त करे हे। समूह के महिला मन कती ले मल्टीएक्टीविटी कर के अभी तक 7 लाख रूपिया के आय कमा डारे हे।
