रायपुर, राज्य सरकार कोति ले बिजली बिल आधा करे ले हजारों परिवार ल एकर प्रत्यक्ष लाभ मिलत हे। बिजली बिल पटाये मे बड़का राशि व्यय अब नइ होत हे। अब मनखे मन म बिजली बिल के प्रति निश्चिंतता के भाव आ गए हे।
जांजगीर चांपा जिला के बलौदा ब्लाक ग्राम बगडबरी निवासी श्रमिक श्री कपूर सिंह ह 50 रूपिया के बिजली बिल देखात खुशी जाहिर करिस। ओ हर बताइस कि वो अपन मजदूरी ले 50 रूपिया के बिजली बिल आसानी ले पटा सकत हे। जादा बिजली बिल के डर अब खतम हो गए हे। ओखर दू कमरा के छोटे मकान म तीन एलईडी बल्ब के उपयोग होथे। उमन बताइन कि तीन महिना पहिली तक हर महिना 2 ले 3 सौ रूपिया या जादा बिल जमा करना परत रहिस। परिवार के जिम्मेदारी के संग बिजली बिल के जादा राशि से बड़ परेशानी के कारन बन जात रहिस। उमन राज्य सरकार के प्रति आभार व्यक्त करत सरकार ल धन्यवाददीन।
