बिलासपुर : बिहान ले जुड़ के स्वावलंबी होवत हे समूह के दीदी मन

पापड़, अगरबत्ती, मसाला निर्माण, बोरी सिलाई ले करत हे लाखों ले कमई
बिलासपुर, 22 जून 2023
छत्तीसगढ़ राज्य ग्रामीण आजीविका मिशन ‘‘बिहान’’ योजना के तहत ग्रामीण क्षेत्र म निवासरत महिला अउ युवती मन ल एक ठ स्वयं सहायता समूह के रूप म गठित अउ ओमन ल प्रेरित कर स्वरोजगार ब जोडे़ गय हे। ए दीदी मन आर्थिक गतिविधि ले जुड़ के स्वावंलबन के डहर म चलत हे। विभिन्न गतिविधि जईसे – पापड़ निर्माण, बोरी सिलाई, मसाला निर्माण आदि कार्य कर के अब बने कमई घलो करत हे।
        जिला के बिल्हा ब्लॉक के चकरभाठा के राधाकृष्ण महिला स्व सहायता समूह के दीदी मन बिहान ले जुड़ के विभिन्न आजीविका गतिविधि म काम बुता करत हे। जेकर से ओमन के जीवन स्तर म सुधार आइस हे। एमन ह पापड़ निर्माण, वर्मी कम्पोस्ट ब बोरी सिलाई, मशरूम उत्पादन, हल्दी, मसाला निर्माण के बुता करत हे। एकर संग ही समूह कती ले वर्तमान म 9 हॉस्टल म अपन बनाए जिनिस के बेचरी घलो करत हे। जेकर से समूह ल 5 लाख रूपिया ले जादा के आमदनी होए हे। समूह के दीदी मन ल हरदी मसाला के बुता ले 1 लाख 80 हजार रूपिया के आय, बोरी सिलाई बुता ले 60 हजार रूपिया के आय, पापड़ निर्माण बुता ले 1 लाख 20 हजार रूपिया के आमदनी हो गए हे। बिल्हा विकासखण्ड के धमनी गांव के सौगात महिला समूह के दीदी मन घलो बिहान योजना ले जुड़ के साउण्ड सिस्टम, ई रिक्शा अउ अगरबत्ती बनाए असन विभिन्न प्रकार के बुता करत हे। ए सब बुता कर के दीदी मन ह 2 लाख 55 हजार रूपिया ले जादा के कमई कर डारे हे। विपरीत परिस्थिति ले लड़त हुए ए दीदी मन अपन पूरा परिवार के न केवल पालन-पोषण करे म सक्षम होइस हे बल्कि अपन जीवन स्तर ल घलो बेहतर करत हे अउ आज आत्मसम्मान के संग जीवन-यापन करत हे।
Success Stories
Neha Rathore