बेमेतरा, प्रदेश सरकार के फ्लैगशिप गोधन न्याय योजना ले आज लोग मन के दिशा अउ दशा दूनों बदलत हे । ए योजना ले जुड़ के महिला मन ल रोजगार के संग संग आर्थिक रूप ले सक्षम होए ले अवसर मिलात हे। कल तक के ग्रामीण महिला सिरिफ घर के चूल्हा-चउका तक सीमित रहिस हे आज ओ मन सुचारू रूप ले गृहस्थ चलात हुए स्वयं त सक्षम होइस बल्कि परिवार ब घलो संबल बने हे । अइसे ही नजारा देखे ब मिलत हे विकासखण्ड साजा के मौहाभाठा गाँव म जहां श्रीमती कांति यादव ह गोधन न्याय योजना के तहत गोबर बेच के आय प्राप्त करत हे। ओ ह बताइस कि ओकर पति श्री जगराखन यादव मौहाभाठा गाँव म चरवाही के बुता करथे अऊ ओकर परिवार ह भूमिहीन हे। कांति ह बताइस कि घर के भरण पोषण चरवाही ले प्राप्त बरवाही अउ धान ले होथे जेकर से जीवन यापन करे म अबड़ समस्या होथे। ग्राम मौहाभाठा म गौठान निर्माण होए के बाद अउ गोबर खरीदी के शुरुआत होए ले अभी तक कुल 112680 किलोग्राम गोबर बेच के कुल 225360 रुपिया आय प्राप्त होए हे, जेकर से हमार घर के भरण-पोषण सुचारु रूप ले चलत हे। ए राशि ले हमन 2 एकड़ भूमि अधिया ले के खेती के बुता चालू करे हन। ए प्रकार ले हमन ब गोबर बेच के रोजगार प्राप्त होइस हे अउ हमार परिवार स्वावलंबी बन गय हे। कांति यादव ह गोधन न्याय योजना संचालन ब अउ प्रदेश के लोग मन ल सशक्त बनाए ब प्रदेश सरकार ल अपना धन्यवाद ज्ञापित करिस हे।
लउछरहा..
समस्या मन के लउहे निराकरण ले जिला म प्रगति दिखही: स्कूल शिक्षा सचिव श्री परदेशी
May 18, 2024 Surabhi Tiwari Comments Off on समस्या मन के लउहे निराकरण ले जिला म प्रगति दिखही: स्कूल शिक्षा सचिव श्री परदेशीरायपुर, 18 मई 2024। स्कूल शिक्षा विभाग के सचिव श्री सिद्धार्थ कोमल परदेशी ह काली छत्तीसगढ़...कड़ी मेहनत अऊ अनुशासन ले प्रयास विद्यालय के लइका मन ल मिलीस शानदार सफलता
May 18, 2024 Surabhi Tiwari Comments Off on कड़ी मेहनत अऊ अनुशासन ले प्रयास विद्यालय के लइका मन ल मिलीस शानदार सफलतादसवीं बोर्ड के परीक्षा परिणाम 99.3 प्रतिशत अऊ 12वीं बोर्ड के 97.22 प्रतिशत रहिस दसवीं के...अटल मॉनिटरिंग पोर्टल: योजना मन के क्रियान्वयन के निगरानी म होही असानी
May 18, 2024 Surabhi Tiwari Comments Off on अटल मॉनिटरिंग पोर्टल: योजना मन के क्रियान्वयन के निगरानी म होही असानीरायपुर, 18 मई 2024। अटल मॉनिटरिंग पोर्टल (सी.एम.डेशबोर्ड) के विकास अउ क्रियान्वयन बर काली मंत्रालय महानदी...