बेमेतरा : नवविवाहिता वधु के होही सम्मान, मतदाता सूची म दर्ज होही नाम

बेमेतरा, महिला मतदाता मन ल मतदान प्रक्रिया के प्रति प्रेरित करे ब स्वीप कार्य योजना के तहत बीएलओ कती मतदान केन्द्र म नवविवाहिता वधु के सम्मान करे जाही अउ मतदाता सूची म नाम दर्ज कराए ब आवश्यक कार्यवाही करे जाही।
भारत निर्वाचन आयोग के निर्देशानुसार कलेक्टर अउ जिला निर्वाचन अधिकारी श्री पदुम सिंह एल्मा ह जिला के जम्मो निर्वाचक अउ सहायक निर्वाचक रजिस्ट्रीकरण अधिकारी ल बीएलओ के माध्यम ले सब मतदान केंद्र म उक्त आयोजन करे के निर्देश दिए हवय। जेकर अंतर्गत मतदान केंद्र क्षेत्र म विगत 3 बछर म विवाहोपरांत आए वाले नवविवाहिता वधु मन की सूची तियार करे जाही।
बीएलओ अपन सुविधा अनुसार नियत तिथि म नवविवाहित वधु मन ल मतदान केन्द्र म आमंत्रित करजी जहां ओमन के सम्मान बीएलओ चंदन अउ रोली के टीका लगा के करही। कार्यक्रम म मतदान केन्द्र क्षेत्र के वरिष्ठ नागरिक मन ल घलोआमंत्रित करे जाही।
मतदाता सूची म लिंगानुपात गेप ल कम करे अउ निर्वाचन प्रक्रिया म महिला मन के शतप्रतिशत भागीदारी सुनिश्चित करे के उद्देश्य ले बीएलओ के उपस्थिति अउ निर्देशन म मई क दूसरे सप्ताह म कार्यक्रम के आयोजन कर निर्धारित प्रपत्र म जानकारी जिला निर्वाचन कार्यालय ल भेजे ब निर्देशित करे गए हे।