मंत्री श्री बृजमोहन अग्रवाल ह रायपुर दक्षिण म करोड़ों के लागत ले बने निर्माण काम मन के करिन लोकार्पण

रायपुर, 15 मार्च 2024। शिक्षा मंत्री श्री बृजमोहन अग्रवाल ह कहिन कि केन्द्र अऊ राज्य म हमर डबल इंजन सरकार के सेती छत्तीसगढ़ राज्य म विकास के गति तेज हो गए हे। अवइया समय म इहां विकास काम अऊ तेज़ी ले होही। मंत्री श्री अग्रवाल रायपुर दक्षिण विधानसभा क्षेत्र म होए करोड़ों रुपिया के निर्माण काम मन के लोकार्पण करिन। ए बेरा म म स्थानीय मनखे मन ल संबोधित करत उमन कहिन कि, पूर्ववर्ती सरकार के शासनकाल म विकास के काम ठप हो गए रहिस। राजधानी रायपुर म विकास के बलदा मा विनाश के काम होत रहिस। मनखे खस्तहाल सड़क मन ले परेशान रहिन। फेर हमर सरकार आतेच कमती समय म 3 महीना म ही विकास काम मन म तेजी आए हे, सालों ले अटके काम पूरा होवत हे।
ए बेरा म नेता प्रतिपक्ष नगर निगम श्रीमती मीनल चौबे, उप नेता प्रतिपक्ष श्री मनोज वर्मा, पार्षद श्रीमती सरिता वर्मा, एमआईसी सदस्य श्री जितेंद्र अग्रवाल, पार्षद श्री सतनाम पनाग, श्री सुभाष तिवारी, श्री मोहन एंटी, स्थानीय नेता, नगर पालिक निगम, स्कूल शिक्षा विभाग के अधिकारी अऊ गणमान्य नागरिक उपस्थित रहिन।