महतारी वंदन योजना : मां-बेटी दुनों के भविष्य होइस सुरक्षित

गौरेला पेन्ड्रा मरवाही, जिला के पथर्रा गांव के 26 वर्षीय गृहिणी कीर्ति के पति खेती-किसानी ले परिवार के भरण-पोषण करत हे। पहिली सीमित आमदनी के बीच ओ मन अपन बेटी के भविष्य ल लेके चिंतित रहत रहिन अऊ बचत कर पाना संभव नइ रहिस। फेर महतारी वंदन योजना शुरू होए के बाद ओ ल हर महिना एक हजार रूपिया के सहायता मिले लगे हे। अब ओ ए राशि म ले 250 रूपिया अपन बेटी के नाव ले ’’सुकन्या समृद्धि योजना’’ म जमा करत हे अऊ बांचे पइसा ले घर के खरचा, दवइ अऊ आन दैनिक जरूरत पूरा होत हे। कीर्ति मार्को बताथे के ए योजना ले ओ ल आत्मनिर्भरता के अनुभव होय हे अऊ बेटी के पढ़ाई अउ भविष्य सुरक्षित लगत हे। ओ आन महिला मन ल घलोक एखर लाभ ले जुड़े खातिर प्रेरित करत हे।
छत्तीसगढ़ सरकार के महत्वाकांक्षी ’महतारी वंदन योजना’ ग्रामीण अऊ शहरी दुनों क्षेत्र मन के महिला मन खातिर आर्थिक सशक्तिकरण के माध्यम बन गए हे। मुख्यमंत्री श्री विष्णुदेव साय के अगुवई म चालू करे गए ए योजना के उद्देश्य नारी सम्मान, आत्मनिर्भरता अऊ परिवार के उज्ज्वल भविष्य ल सुरक्षित करना हे।  ए योजना के तहत राज्यभर के पात्र महिला मन ल हर महिना एक हजार रूपिया के आर्थिक सहायता देहे जात हे। ये सहायता राशि महिला मन के बुनियादी जरूरत मन के संगे-संग भविष्य के बचत योजना मन म उपयोग होके समाज म सकारात्मक बदलाव लावत हे।
मुख्यमंत्री श्री विष्णुदेव साय ह ए योजना ल महिला मन के आर्थिक सुरक्षा अऊ सामाजिक सशक्तिकरण के दिशा म मील के पत्थर बताए हे। ओखर मानना हे के कहूं महिला सशक्त होही त परिवार अऊ समाज घलोक सशक्त होही।  राज्य सरकार कोति ले चलाए जात ए जनकल्याणकारी कदम ले हजारों महिला मन प्रत्यक्ष रूप ले लाभान्वित होवत हे। ग्रामीण इलाका मन म ये योजना महिला मन के सपना ल नवा आकाश देवत हे, उहें शहर मन के गृहएाी मन घलोक एला अपन आर्थिक सहारा मानत हें।
महतारी वंदन योजना ह महिला मन ल राहत अऊ आत्मविश्वास देहे हे। ए योजना ह ये स्थापित करे हे के सरकार के योजना मन के सही जानकारी अऊ समय म प्राप्त सुविधा मनखे मन के जीवन म बड़का बदलाव ला सकत हे।