महासमुंद : गरमी बेरा के खेल प्रशिक्षण शिविर के होही आयोजन

महासमुंद, खेल अउ युवा कल्याण विभाग कोति ले ग्रीष्मकालीन खेल प्रशिक्षण शिविर के आयोजन बर काल कार्यालय परिसर म बैठक होइस। बैठक म शिक्षा विभाग के क्रीडा अधिकारी सुश्री अंजली बरमाल, खेल संघ अउ संस्था मन के पदाधिकारी, एनआईएस प्रशिक्षक, व्यायाम शिक्षक अउ सीनियर खिलाड़ी उपस्थित रहिन। खेल अधिकारी श्री मनोज कुमार धृतलहरे ह बताइस के ग्रीष्मकालीन खेल प्रशिक्षण शिविर के मुख्य उदेश्य खिलाड़ि मन ल खेल विद्या ले अवगत कराना हे, जऊन ऊंखर खेल कौशल के विकास म सहायक होही। जिला म खेल के वातावरण बनही अऊ नवा खिलाड़ि मन के रूझान खेल गतिविधि मन कोति बाढेही अऊ नवोदित खिलाड़ी मन म खेल के प्रति जागरूकता बाढेही।

उमन बताइन के ग्रीष्मकालीन खेल प्रशिक्षण शिविर के आयोजन एक मई 2019 ले विकासखंड महासमुंद म मिनी स्टेडियम (हैण्डबॉल, बास्केटबॉल, बॉलबैडमिंटन अउ हॉकी), केंन्द्रीय विद्यालय अउ पंचशील क्लब (ताइक्वाण्डो), सिटी स्पोर्ट्स क्लब (कराते), वन विभाग खेल मैदान(एथलेटिक्स), बैडमिंटन कोर्ट वन विभाग(बैडमिंटन),पटवारी कार्यालय के सामने (कराते), बेमचा(हॉकी, बॉलबैडमिंटन), भोरिंग (रग्बी, सॉफ्टबॉल, फेंसिंग),खट्टी(व्हॉलीबॉल) विकासखण्ड बसना म भूकेल (एथलेटिक्स), खटखटी(व्हॉलीबॉल), रोहिना(खो-खो, कबड्डी), विकासखण्ड पिथौरा म किशनपुर अउ पिथौरा(व्हॉलीबॉल),बरनईदादर (एथलेटिक्स, व्हॉलीबॉल), पिरदा(खो-खो, कबड्डी), विकासखंड सरायपाली म हाई स्कूल मैदान (फुटबॉल), कन्या शाला(व्हॉलीबॉल), बोंदा(खो-खो, कबड्डी) अउ विकासखंड बागबाहरा म सुनसुनिया मिनी स्टेडियम (एथलेटिक्स, खो-खो, कबड्डी) बिहाझर बाल आश्रम (तीरंदाजी), पतेरापाली (कबड्डी), कोमाखान (फुटबॉल) खेलों के प्रशिक्षण दे जाण्गा। प्रशिक्षण शिविर म व्हॉलीबॉल, फुटबॉल, एथलेटिक्स, बैडमिंटन, साफ्टबॉल, खो-खो, कबड्डी, कराते, ताइक्वाण्डो, रग्बी, फेंसिंग, हैण्डबॉल, हॉकी, बास्केटबॉल, बालबैडमिंटन अउ तीरंदाजी संग कुल 16 खेलों के निःशुल्क प्रशिक्षण दे जाही। प्रशिक्षण शिविर के आयोजन भिनसरहा साढ़े 5 ले 8 बजे अउ संझा 5 ले 7 बजे तक करे जाही। ए शिविर म 8 साल ले 18 साल के बालक, बालिका पंजीयन कर प्रशिक्षण प्राप्त कर सकत हे।